Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Arwain y tîm(au) y mae’n gyfrifol amdano (ynt) i gyflawni yn effeithiol ac effeithlon yr hyn sy’n bwysig i bobl Gwynedd drwy greu a chynnal amgylchedd o barch ac ymddiriedaeth gan rymuso, arfogi ac ysbrydoli’r staff.
Cyfrifoldeb am adnoddau e.e. staff, cyllid, offer
•Staff – Swyddog Cefnogol Cynhwysiad a unrhyw swyddi eraill a ariennir drwy ffynhonnell grantiau.
•Cyllideb Rhaglen Cefnogi Pobl, ac unrhyw gyllidebau a dderbynnir drwy grantiau
•Cytundebau a ddyrennir a reolir ar gyfer adnoddau, cyflenwyr, grantiau a / neu nawdd.
• Cytundebau Partneriaeth a Chytundebau Lefel Gwasanaeth gyda amryw ddarparwyr a gomisiynir.
•Adnoddau –offer TG.
Prif ddyletswyddau
ARWAIN
•Bod yn atebol am y gwaith a’r defnydd mwyaf effeithiol ac effeithlon o’r adnoddau sydd ar gael
•Arwain staff drwy annog a chymell i berchnogi egwyddorion Ffordd Gwynedd a bod yn atebol am sicrhau fod hynny’n digwydd
•Cynorthwyo’r tîm i sefydlu egwyddorion gweithredu gan ystyried deddfau perthnasol (e.e. Iechyd a Diogelwch, Deddf Llesiant a Chenedlaethau’r Dyfodol, Deddf Gwasanaethau Cymdeithasol a Llesiant) a sicrhau eu bod yn cadw atynt
•Bod yn ymwybodol o sut y mae systemau’r tîm yn gweithio a hwyluso i’w herio ple bo’r angen
•Sicrhau fod eu gwaith yn cyfrannu at amcanion gwasanaethau neu sefydliadau eraill sy’n ceisio cyflawni’r hyn sy’n bwysig i bobl Gwynedd.
•Hyrwyddo’r angen i adnabod a gweithredu ar fygythiadau a chyfleoedd y dyfodol gan gynnwys camau ataliol
•Sicrhau ymwybyddiaeth o’r hinsawdd gyfreithiol a gwleidyddol sy’n effeithio ar y gwasanaeth gan sicrhau fod aelodau’r tîm yn ymwybodol o’r elfennau angenrheidiol.
•Bod yn fyw i ymarfer da o fewn y maes a sicrhau fod y tîm yn ystyried priodoldeb yr ymarfer da hwnnw iddynt hwy.
•Arwain newid o fewn y maes lle mae angen gwneud hynny
•Ymdrin gyda phryderon a godir gan Aelodau Etholedig ynglŷn â’r maes.
•Sicrhau amgylchedd sy’n hyrwyddo ac annog llesiant staff
GALLUOGI A GRYMUSO
•Recriwtio a datblygu unigolion a thimau i sicrhau bod ganddynt y sgiliau angenrheidiol i gyflawni’r rolau sydd eu hangen rwan ac i’r dyfodol
•Arfogi eraill i sefydlu beth sy’n bwysig i bobl Gwynedd a thrwy hynny sefydlu pwrpas y tîm a’i gadw’n gyfredol
•Sicrhau fod penderfyniadau yn cael eu gwneud ar sail tystiolaeth.
•Helpu’r tîm i adolygu a herio ei berfformiad
•Creu a chynnal awyrgylch sy’n galluogi pobl i gyfrannu a chymryd penderfyniadau er mwyn darparu’r gwasanaethau gorau posib
•Sicrhau awyrgylch o ymddiriedaeth ac atebolrwydd gan sicrhau cyfathrebu priodol gyda ac o fewn y tîm.
CYFLAWNI
•Arfogi’r tîm i ystyried pa fesurau sy’n dangos perfformiad yn erbyn y pwrpas ac i berchnogi’r mesurau hynny
•Annog y tîm i arloesi, mentro a dysgu o brofiad er mwyn gwella perfformiad
•Cymell a/neu mentora y tîm i adnabod a gweithredu’n amserol er mwyn dileu rhwystrau sy'n atal y gallu i gyflawni yr hyn sy’n bwysig i bobl Gwynedd
•Datrys unrhyw rwystrau na all y tîm eu datrys
•Sicrhau fod cwynion yn derbyn sylw priodol a bod y tîm yn ystyried unrhyw wersi sy’n codi er mwyn gwella gwasanaeth.
HUNAN ADLEWYRCHU - ar gyflawniad personol yr hyn sydd yn y swydd-ddisgrifiad.
MEYSYDD PENODOL Y SWYDD
•Creu Cynllun Gweithredu Atal a Threchu Tlodi ar y cyd gyda partneriaid ac asiantaethau allanol er lles trigolion Gwynedd. Bydd hyn yn cynnwys
•Sefydlu’r galw / angen a’r hyn sy’n bwysig i drigolion Gwynedd fel y sail dystiolaeth ar gyfer y cynllun cyflawni gyda mewnbwn gwasanaethau ar draws y cyngor, a phartneriaid allanol.
•Siapio gweledigaeth / pwrpas i’r Cynllun Gweithredu Trechu Tlodi
•Mapio darpariaethau presennol i adnabod bylchau a chyfleon;
•llunio cynllun ymateb
•Datblygu data rheolaethol a mesurau ar gyfer y cynllun a threfniadau monitro addas.
•Monitro cyflawniad y cynllun gweithredu a’i ddarpariaethau i ymgyrraedd at y targedau/ cerrig milltir / mesurau y cytunir
•Sefydlu a cyflawni trefniadau adrodd, paratoi a chyflwyno adroddiadau / cyflwyniadau ar y cynllun gweithredu trechu tlodi yn ol yr angen i’r Bwrdd Gwasanaethu Cyhoeddus.
•Sefydlu a cyflawni trefniadau ar gyfer adordd yn unol a threfniadau craffu a herio perffromiad y Cyngor i’r aelod cabinet perthnasol, ac i drefniadau’r Bwrdd Rhaglen Cefnogi Pobl a’r Cabinet.
•Arwain ar gyflawni cynllun gweithredu trechu tlodi tymor byr (adfer) gan ganolbwyntio ar y meysydd canlynol sef cynhwysiad a chyngor ariannol ac uchafu incwm, cynhwysiad digidol, cynhwysiad bwyd, a chynlluniau ac ymyrraethau i gefnogi cynhwysiad grwpiau penodol o bobl sy’n cael eu allgau.
•Sefydlu trefniadau llywodraethiant a chydweithio aml-asiantaethol ar gyfer cyflawni y Cynllun Gweithredu Trechu Tlodi – gan gynnwys Fforwm Sirol Trechu Tlodi ac unrhyw is-grŵp/ grŵp prosiect / grŵp tasg a gorffen angenrheidiol i gyflawni’r cynlluniau gweithredu perthnasol.
•Sefydlu, cynnal a llywio partneriaethau a chysylltiadau gyda mudiadau gwirfoddol ac asiantaethau eraill sydd yn gweithio yn y maes tlodi. Mae hefyd yn cynnwys adnabod cyfleon i gyd-gynllunio cyfleon, gweithgareddau a phrosiectau, a datblygu cynlluniau i’r perwyl.
•Datblygu trefniadau mewnol ar gyfer tynnu arweinwyr rhaglenni trechu tlodi ynghyd i gydweithio a chyd-gynllunio a cyd-gomisiynu, er mwyn uchafu ffrydiau incwm, lleihau dyblygu ar draws rhaglenni – yn benodol ar drwy y Rhaglen Alinio Cenedlaethol (Grant Plant a CHymunedau a Grant CYmorth Tai) a grantiau perthnasol eraill.
•Adnabod cyfleon ar gyfer denu buddsoddiad allanol i’r sir ar gyfer ehangu ar y ddarpariaeth gynhwysiad ariannol a/neu cynhwysiad digidol a/neu cynhwysiad bwyd.
•Paratoi Achosion Busnes a Chynlluniau Prosiect yn ôl yr angen ar gyfer denu grantiau a buddsoddiadau i’r maes. Monitro gwariant unrhyw gynllun grant (cyfalaf neu refeniw) ac adrodd yn rheolaidd ar gynnydd yn unol â’r gofynion mewnol ac allanol.
•Cydweithio gyda partneriaid ar lefel sirol a rhanbarthol i rannu ymarfer da; cyd-gynllunio darpariaeth.
•Rhaid i’r ymgeisydd fod yn greadigol a bod â’r gallu i ddatrys problemau er mwyn creu syniadau newydd ac arloesol ac er mwyn gweithredu ar yr atebion
•Sefydlu a cynnal trefniadau ymgysylltu, hyrwyddo, marchnata a chyfathrebu gwasanaethau, gweithgareddau, prosiectau y Cynllun Gweithredu Trechu Tlodi / Darpariaethau Trechu Tlodi i gynulleidfaoedd amrywiol.
•Darparu arweiniad strategol ar faterion gwrth dlodi ar gyfer yr Awdurdod, gan adnabod meysydd sydd angen sylw.
•Mynychu cyfarfodydd Rhwydwaith Gwrth-dlodi a Chynhwysiad Cymru, Rhwydwaith Tlodi Bwyd Gogledd Cymru gan gefnogi cydweithio effeithiol ac effeithlon ym meysydd priodol i gynnal a gwella darpariaeth.
•Cydweithio gyda swyddogion perthansol yn y WLGA, Llywodraeth Cymru a cynghorau eraill drwy’r RHwydwaith Gwrth-dlodi genedlaethol.
•Paratoi adroddiadau yn ôl y yr angen, all gynnwys adroddiadau Cabinet, Pwyllgorau Craffu ac Ymchwiliadau Craffu, Grwpiau Prosiect
•Mae hon yn swydd newydd fydd yn esblygu mewn maes sy’n newid yn sydyn. Ni ellir rhagwled holl gwmpas a dyletswyddau’r swydd felly sidgwylir i’r ymgeisydd ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
AMODAU GWAITH
•Yr oriau i gynnwys peth gwaith min nos ac ar benwythnosau
•Mae gan yr Adran raglen barhaus o hyfforddiant a datblygu sgiliau personol. Gweithredir Cynllun Gwerthuso a fydd yn cyfrannu at y ddarpariaeth hon. Disgwylir i ddeilydd y swydd gymryd rhan yn y rhaglen.