Teitl y Swydd: Rheolwr Busnes
Gwasanaeth: Ysgolion
Yn gyfrifol i: Pennaeth
Oriau Gweithio: 37 awr yr wythnos
(Llawn amser, gwyliau i’w cymryd yn ystod gwyliau ysgol.)
Pwrpas y Swydd 
Rheolwr Busnes yr ysgol ydy arweinydd proffesiynol y staff gweinyddol ac aelod o’r Uwch Dîm Arwain, yn helpu’r Pennaeth i sicrhau bod yr ysgol yn cyflawni ei nodau ym mhob agwedd.
Bydd y Rheolwr Busnes yn gweithio’n rhagweithiol mewn partneriaeth gyda’r Uwch Dîm Arwain i sicrhau gwasanaethau cymorth effeithiol ac effeithlon er mwyn cyflawni blaenoriaerthau’r ysgol.
Bydd y Rheolwr Busnes yn sicrhau’r ethos busnes o’r safon uchaf yn cael ei gynnal yn holl weithgareddau busnes a gweinyddol yr ysgol, gan fod yn strategol wrth sicrhau fod yr ysgol yn gwneud y defnydd gorau a mwyaf effeithiol o adnoddau er mwyn cefnogi a hwyluso ei chynlluniau gwella.
Mae’r Rheolwr Busnes yn gyfrifol am reoli adnoddau, cyllid, systemau gweimyddu, gwybodaeth weinyddol, materion adnoddau dynol, eiddo ac iechyd a Diogelwch.
Prif Ddyletswyddau a Chyfrifoldebau
_______________________________________________________________________________
Arweinyddiaeth Strategol
Arwain a chynghori’r Corff Llywodraethol, Pennaeth a’r UDA gyda materion yn ymwneud ag adeiladau, cyllid, adnoddau dynol, iechyd a Diogelwch, gan ddylanwadu ar benderfyniadau strategol.
Fel aelod o’r Uwch Dîm Arwain dylanwadu ar gyfeiriadau a phenderfyniadau strategol. Cadw cofnod o gyfarfodydd yr uwch dîm arwain.
Dirprwyo ar ran y Pennaeth mewn meysydd perthnasol o arbenigedd.
Cyfrannu at werthusiadau a chynlluniau gwella mewn perthynas a chyfrifoldebau perthnaol.
Fel aelod o’r UDA, cyfrannu at drefniadaeth, cyhoeddusrwydd, a gweithrediad prif ddigwyddiadau’r ysgol.
Arwain a rheoli staff gweinyddol a chefnogi’r ysgol.
Ar y cyd gyda’r Rheolwr Systemau, arwain ar gasgliadau data statudol.
Darparu cefnogaeth i’r Pennaeth i gyflawni amcanion yr ysgol effeithiol a chyda ei waith dydd i ddydd.
 Cyllid
Darparu arweiniad arbenigol er mwyn sicrhau strategaeth a chynllunio cyllidol cyfrifol ac effeithlon dros gyfnod er mwyn i’r ysgol gyflawni ei hamcanion.
Sicrhau bod gan yr ysgol systemau cyllid effeithiol a rheoli’r holl agweddau hynny.
Rheoli gweinyddiaeth ddyddiol y gyllideb gan ddefnyddio systemau addas i sirhau cywirdeb holl drafodion ffeil cysoni’n fisol, prosesu archebion, anfonebau, incwm, a gwneud trosglwyddiadau cyllidol mewn ymgynghoriad â’r Pennaeth a’r Is-Bwyllgor Strategaeth a Chyllid.
Paratoi adroddiadau monitro cyllideb i'w cyflwyno i'r Pennaeth a'r Corff Llywodraethol gan gynnwys monitro incwm a gwariant trwy gydol y
flwyddyn a darparu cyngor ac argymhellion i sicrhau fod gwariant o fewn y gyllideb arian gyfyngedig.
Gweithio'n rhagweithiol i ganfod ffyrdd newydd o weithio a herio'r dulliau presennol o ddarparu gwasanaethau er mwyn lleihau pwysau costau yn y dyfodol.
Goruchwylio rheolaeth ariannol ffrydiau ariannu allanol drwy ddarparu gwybodaeth amserol a chywir am ddefnydd grantiau
Cau cyfrifon diwedd y flwyddyn yn unol â’r Rheoliadau Ariannol a safonau cyfrifeg broffesiynol.
Cynghori Pennaeth a llywodraethwyr ar y defnydd gorau o adnoddau a fydd yn hwyluso'r gwaith o godi a monitro perfformiad yn ogystal â mesur targedau perfformiad cywir ac amserol.
Rheoli a gweinyddu cynllun offerynnol cerdd yr ysgol. 
Llywodraethwyr
Gweithredu fel Clerc i’r Llywodraethwyr a’i is-baneli, gan gymryd cyfrifoldeb am alw a chofnodi cyfarfodydd, trefnu rhaglen, paratoi adroddiadau , cynghori yn ôl yr angen a gweithredu ar benderfyniadau. Bydd yn ofynnol i ddeiliad y swydd fynychu cyfarfodydd, gan gynnwys cyfarfodydd yr uwch dîm rheoli a'r Corff Llywodraethol. Bydd presenoldeb yn y cyfarfodydd hyn tu allan i oriau gwaith hefyd yn un o ofynion allweddol y rôl.
Cyflawni’r holl ofynion statudol wrth baratoi adroddiad blynyddol y Corff Llywodraethu i rieni.
Disgwylir i’r clerc arfarnu ansawdd gwaith y corff yn unol â’r canllawiau cenedlaethol
Rheoli Adnoddau Dynol
Arwain a rhoi arweiniad ar faterion personél megis gweinyddu penodiadau a materion cyflogaeth.
Yn unol a’r rheoliadau, cadw cofnod o faterion ymwneud a phob aelod o staff gan gynnwys hyfforddiant statudol.
Gweithredu fel prif bwynt cyswllt yr ysgol gydag adrannau perthnasol o fewn y Cyngor
Drwy ymgynghori gyda adrannau’r Cyngor yn ôl yr angen, cynghori’r Pennaeth a’r Corff Llywodraethu ar faterion staffio megis cyflogau,salwch, yswiriant, materion disgyblu a chwynion.
Rheolaeth a Goruwchwiliaeth 
Rheoli staff cefnogi’r ysgol drwy ddulliau gweithredu priodol ar gyfer penodi, anwytho, hyfforddi a rheoli perfformiad ynghyd ag unrhyw faterion gallu, disgybliaeth,apelio neu gwynbion allai godi. Mewn ymgynghoriad a’r aelod o’r UDA sy’n arwain ar ddatblygiad proffesiynol, cynllunio, datblygu a threfnu hyfforddiant priodol a gwerthuso’r effaith.
Monitro effeithiolrwydd srtythur y staff cefnogi / gweinyddol er mwyn ymateb i ofynion cyfredol yr ysgol.
Mewn cydweithrediad gyda’r Pennaeth sicrhau fod swydd ddisgrifiadau’r tim gweinyddol yn gyfredol ac yn cael eu hadolygu yn ôl yr angen.
Rheoli’r drefn absenoldebau ar gyfer pob aelod o staff Rheoli amserlen a rhaglen waith uwch
gymhorthyddion cyflenwi (4) a’r trefniadau cyflenwi dyddiol.
Anwytho athrawon llanw newydd i’r ysgol.
Rheolwr llinell ar gyfer staff y dderbynfa, technegyddion, anogwyr dysgu, gofalwyr a goruchwylwyr amser cinio.
Pryf gyswllt o ran y tim glanhau a’r tim arlwyo.
Sicrhau fod pob aelod o staff yn cadw at y drefn “Gyrru ar Fusnes Ysgol” 
Iechyd a Diogelwch / Rheoli Safle
Rheoli holl faterion Iechyd a Diogelwch yn cynnwys cyfleusterau'r ysgol, rheoli a monitro contractau, caffael, tendrau a chytundebau ar gyfer darparu gwasanaethau i'r ysgol, sicrhau fod adeiladau'r ysgol yn gweithredu yn unol â gweithdrefnau brys a chadw at holl ofynion Iechyd a Diogelwch.
Cyflawni rôl Swyddog Iechyd a Diogelwch a Swyddog Tân yr ysgol.
Sicrhau bod polisiau yn gyfredol ac addas ac yn cael eu gweithredu’n llawn.
Rheoli’r defnydd cymunedool a wneir o adeilad yr ysgol.
Trefnu a goruwchwilio’r holl drefniadau cytundeb lefel gwasanaeth gyda’r awdurdod lleol ac ymateb i ofynion tendro ac archebu gan sicrhau gwerth am arian.
Goruwchwilio trefniadau yswiriant - gan gynnwys trefniadau bws mini diogel.
Monitro gwaith contractwyr, staff glanhau ac arlwyo gan adrodd I’r Pennaeth yn ôl yr angen.
Gweithredu fel Swyddog Ymweliadau Addysgol yr ysgol.
Dyletswyddau a chyfrifoldebau – ysgol gyfan a chyffredinol
Bod yn ymwybodol a chydymffurfio gyda pholisiau perthnasol.
Cyfranu at holl ethos a gwaith yr ysgol.
Gwerthfawrogi a chefnogi gweithwyr proffesiynol eraill.
Mynychu a chymryd rhan mewn cyfarfodydd yn ôl yr angen.
Yn dilyn ymgynghoriad, ymgymryd ag unrhyw ddyletswyddau perthnasol a rhesymol eraill ar gais y Pennaeth.
Rhaid i ddeiliad y swydd fod yn gallu gyrru a chael mynediad i gar i fynychu cyfarfodydd a chyflawni dyletswyddau cysylltiedig eraill.
 
Yr hawl i amrywio 
 
Nid yw’n fwriad i’r swydd ddisgrifiad hon fod yn restr cyflawn o’r ddyletswyddau. Mae Ysgol Brynrefail yn cadw’r hawl, wedi ymgynghoriad priodol gyda deilydd y swydd i amrywio’r cyfrifoldebau a dyletswyddau er mwyn ymateb i newid yn ngofynion yr ysgol.