Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Cyfrifoldeb am oruchwylio Desg Gymorth LMS Cymru gan weithredu fel pwynt cyswllt allweddol ar gyfer adrodd a datrys problemau a chysylltu ag aelodau'r consortiwm a'r cyflenwr lle bo angen i sicrhau gwasanaeth effeithlon. Goruchwylio gweinyddiad LMS Cymru o ddydd i ddydd a gweithio mewn partneriaeth agos ag aelodau LMS Cymru drwy is-grŵp LMS Cymru i sicrhau dull a rennir o ddatblygu’r system er budd mwyaf posibl i’r ddwy ochr.
Cyfrifoldeb am adnoddau e.e. staff, cyllid, offer
•-
Prif ddyletswyddau
•1. Rhoi pobl Gwynedd yn ganolog i bopeth mae’r gwasanaeth yn ei wneud gan weithio yn unol â strategaethau a pholisïau a fabwysiedir gan Gyngor Gwynedd.
•2. Cynnal cefnogaeth y Ddesg Gymorth ar gyfer problemau gyda meddalwedd LMS ar gyfer aelodau Consortiwm LMS Cymru, trwy borth penodedig. Yn gweithredu fel y pwynt cyfeirio cyntaf ar gyfer galwadau a gofnodir gan y Ddesg Gymorth, gan roi cyngor ar unwaith i staff y llyfrgell.
•3. Cynnal ymchwiliad cychwynnol i ddiffygion mwy cymhleth ac yn darparu tystiolaeth fanwl i'r cyflenwyr. Yn cadw cofnod o'r holl alwadau a wneir ac yn monitro statws galwadau ar gyfer targedau mesur perfformiad/DPA. Ymateb o fewn terfynau amser wedi’i cytuno i ymholiadau a blaenoriaethu a rheoli nifer o achosion agored ar yr un pryd
•4. Yn cynnal ymwybyddiaeth o'r gofynion ar gyfer rhedeg yr LMS a chatalog cyhoeddus y Consortiwm ar y we, gan ddarparu cefnogaeth wrth gefn ar gyfer y systemau hyn, gan gynnwys gosod paramedrau a thablau.
•5. Darparu adroddiadau Gwybodaeth Reoli rheolaidd ac ad-hoc o'r ddwy system, fel sy'n ofynnol gan Fwrdd Rheoli Consortiwm LMS Cymru. Hefyd darparu adroddiadau rheolaidd ac ad hoc y cytunwyd arnynt i Lywodraeth Cymru at ddibenion unrhyw adroddiadau SLlCC.
•6. Darparu ystadegau a data blynyddol gan LMS Cymru ar gyfer archwiliadau ac arolygiadau o wasanaethau.
•7. Cyfathrebu â staff TGCh a chyflenwyr systemau yn unol â chyfarwyddyd y Rheolwr Systemau, i leihau'r risg o 'amser segur' posibl yn y system ar gyfer pwyntiau gwasanaeth, a helpu i gynnal gweithrediad effeithlon y systemau. Cynnal gwiriadau a chynnal a chadw systemau yn unol ag arfer y cytunwyd arno, gan ymchwilio'n rhagweithiol i symptomau sy'n amlwg mewn logiau amser rhedeg neu ffurfweddiadau annisgwyl i sicrhau bod systemau'n parhau i fod yn weithredol, gan atal amser segur i ddefnyddwyr a grwpiau o ddefnyddwyr.
•8. Perfformio tasgau gweinyddol arferol a thasgau system achlysurol eraill er mwyn cynnal a chadw LMS Cymru ar ei orau gan gynnwys datrys problemau sy'n ymwneud â systemau.
•9. Ymchwilio i ddiffygion a datblygiadau mwy cymhleth lle bo angen o dan gyfarwyddyd y Rheolwr Systemau a gweithio gydag aelodau Consortiwm LMS Cymru a'r cyflenwr i nodi a dod o hyd i ddatrysiadau i'r rhain.
•10. Gweithio gyda'r Rheolwr Systemau i reoli mynediad trydydd partïon priodol ar gyfer darparu unrhyw Wasanaethau a Reolir
•Cynorthwyo'r Rheolwr Systemau i gynllunio, darparu a chefnogi unrhyw brosiectau sy'n ymwneud â LMS Cymru.
•Cymryd swyddogaeth ymholiadau Gwasanaethau Digidol drosodd dros absenoldebau gwyliau a rhannu darpariaeth cymorth dros y ffôn y tu allan i oriau, ar y cyd â'r Rheolwr Systemau.
•Mynychu cyfarfodydd yn ôl yr angen.
•Dirprwyo ar ran y Rheolwr Systemau yn ôl yr angen.
•Sicrhau cydymffurfiaeth â rheolau Iechyd a Diogelwch yn unol â'r cyfrifoldebau a nodir yn Neddf ‘Iechyd a Diogelwch yn y Gweithle 1974’ a Pholisi Iechyd a Diogelwch y Cyngor.
•Cyfrifoldeb am hunanddatblygiad a datblygu staff y mae ganddo/ganddi gyfrifoldeb amdano a chyfrannu at raglen hyfforddi'r Gwasanaeth Llyfrgell a Gwybodaeth .
•Gweithredu o fewn polisi a gweithdrefnau’r Cyngor yng nghyswllt cyfle cyfartal a chydraddoldeb.
•Cydymffurfio a pholisi a chanllawiau Diogelu Plant ac Oedolion Bregus Cyngor Gwynedd gan gymryd mai cyfrifoldeb pob unigolyn a gyflogir yw bod yn ymwybodol o’u cyfrifoldebau sy’n ymwneud a materion diogelu plant ac oedolion bregus.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswyddau eraill cyfatebol a rhesymol, sy’n cyd-fynd a lefel cyflog a lefel cyfrifoldeb y swydd
Amgylchiadau arbennig
•Gall rai o’r oriau gwaith syrthio ar Sadyrnau neu gyda’r hwyr ac yn unol â gofynion y rhaglen gweithgareddau.
•Oriau Gwaith: 37 awr yr wythnos sylfaenol gyda’r posibilrwydd o oriau ychwanegol yn ôl y galw . Delir yr hawl i newid patrwm oriau gweithio yn ôl gofynion y Gwasanaeth. Bydd disgwyl i ddeilydd y swydd gymhwyso i’r lefel briodol yng nghyswllt defnydd o dechnoleg gwybodaeth. Darperir hyfforddiant yn ôl yr angen.
•Y prif safle gwaith fydd xxxxx ond os bydd angen, gellir dod i drefniant dros dro ple bydd deilydd y swydd yn cyflawni dyletswyddau tebyg mewn llyfrgelloedd eraill ,a hynny o fewn ei oriau cytundebol, heb unrhyw amser neu dal ychwanegol am y gwaith hwnnw.