Pwrpas y Swydd.
• Sicrhau bod pobl Gwynedd yn ganolog i bopeth yr ydan ni yn ei wneud.
• Disgwylir i’r Pennaeth Cynorthwyol: Addysg Uwchradd gyflawni’r swydd trwy gyfeirio’n uniongyrchol at y Deddfau Addysg, Rheoliadau, Codau Ymarfer a’r ddeddfwriaeth cysylltiedig sy’n ymwneud a’r swydd.
 
Prif Ddyletswyddau. .
Disgwylir i’r Pennaeth Cynorthwyol gyflawni’r swydd trwy gyfeirio’n uniongyrchol at y Deddfau Addysg, Rheoliadau, Codau Ymarfer a’r ddeddfwriaeth cysylltiedig sy’n ymwneud a’r swydd.
Mae’n swydd heriol, ble mae angen lefelau uchel o sgiliau rhyng-bersonol, cyfathrebu ac arweinyddiaeth, a ddiffinir gan Safonau Cenedlaethol a gyda cyfrifoldebau rheolaethol a strategol ar lefel ardal a gwasanaeth cyfan o ran gwasanaethau gwella addysg o fewn Gwynedd fel y pennir gan y Pennaeth Addysg.
Er mwyn bod yn effeithiol, mae angen i’r Pennaeth Cynorthwyol :
(i) allu perthnasu’n dda ag eraill; 
(ii) dangos y gallu i ddylanwadu ar a dwyn perswâd ar eraill i weithredu, a hefyd dangos sgiliau hyrwyddo 
 ar lefel uchel, a hynny’n aml o dan amgylchiadau heriol, ac
(iii) arddangos y safonau sydd eu hangen i reoli a cefnogi’r unigolion a’r timau er mwyn cyflawni amcanion 
 cyffredinol y Gwasanaeth Addysg yng Ngwynedd.
Gan fod â chyfrifoldeb uniongyrchol am nifer dynodedig o ysgolion, ynghyd â chyfrifoldebau am agweddau o’r gwasanaeth ar lefel sirol, disgwylir i’r Pennaeth Cynorthwyol weithio yng nghyd-destun gwerthoedd am amcanion strategol Awdurdod Addysg Gwynedd er mwyn: 
 Galluogi unigolion sy’n gyfrifol am wella ysgolion gwrdd â disgwyliadau moderneiddio a trawsnewid yr agenda addysg yng Ngwynedd trwy osod targedau ac adnabod anghenion proffesiynol; 
 Rhoi cefnogaeth a gosod her, naill ai’n uniongyrchol neu’n anuniongyrchol i ysgolion, grwpiau ac unigolion sy’n golygu defnyddio gwybodaeth, defnyddio a datblygu ystod eang o strategaethau a strwythurau, a fu’n effeithiol o ran gwella ysgolion gyda gwahanol nodweddion a cyd-destunau. 
 Cyfrannu tuag at hinsawdd o welliant parhaus trwy herio ysgolion i godi safonau, hyrwyddo strategaethau ar gyfer hunan-wella a cydweithrediad Ysgol i Ysgol yn ogystal â gwella cynhwysiad unigolion a grwpiau a allai gael eu heithrio, a cydweithio’n effeithiol gydag asiantaethau eraill sy’n weithredol yn y maes. 
 Defnyddio data i adnabod cryfderau a gwendidau, ond hefyd y profiad a’r arsylwi trwyadl sydd ei angen ar gyfer dadansoddi’r ffactorau sy’n peri gwendidau, neu gryfderau creiddiol, a gwneud argymhellion sy’n arwain at welliant. 
 Sicrhau dealltwriaeth lawn o’r broses ddysgu a sut mae arsylwi yn y dosbarth, monitro ac arfarnu’n cyfrannu tuag at godi safonau mewn ysgolion.
 Hyrwyddo addysgu a dysgu sy’n ysbrydoli a meddu ar weledigaeth ar gyfer addysg yng Ngwynedd yn y dyfodol. 
 Adnabod arfer dda a’i gyd-rannu gydag ysgolion ac unigolion er mwyn peri newidiadau mewn rheolaeth ysgol ac ansawdd addysg. 
 Sicrhau bod rheolaeth perfformiad effeithiol yn broses dyngedfennol ar gyfer gwelliant unigolion.
Mae sicrhau bod rheolaeth effeithlon ac arweiniad effeithiol mewn nifer dynodedig o ysgolion yn ganolog i swyddogaeth Pennaeth cynorthwyol. Yn ogystal mae’r deiliad yn gyfrifol amdano er mwyn: 
 Sicrhau y caiff strategaethau’r Adran Addysg ar gyfer gwella ysgol eu gweithredu’n effeithiol a bod safonau cyrhaeddiad yn uwch trwy sianelu cefnogaeth, cyfarwyddiadau a her ar lefelau priodol trwy ddefnyddio’r adnoddau sydd ar gael yn effeithiol yn yr ysgol, yn lleol ac yn sirol; 
 Llunio cynllun busnes ardal lleol ar gyfer gwella addysg gan gyfeirio’n uniongyrchol sy’n pontio mentrau cenedlaethol a mentrau lleol; 
 Cydweithio gydag ysgolion yn y ddau sector a datblygu blaenoriaethau dalgylch cytunedig gan gyfeirio’n uniongyrchol at y cynllun busnes lleol a weithredir; 
 Dylanwadu ar lefelau gwasanaeth cyfan sy’n gysylltiedig â rheolaeth perfformiad holl aelodau’r staff a sicrhau defnydd effeithiol o adnoddau er mwyn cefnogi ysgolion ar y lefelau angenrheidiol; 
 Sicrhau y caiff cynlluniau gwasanaeth unigol eu croes-gyfeirio, eu bod wedi eu cysylltu, bydd dull cyson a mesuredig sy’n cyflenwi ac yn cyfrannu tuag at gynlluniau gwella ysgol unigol a sicrhau elfennau atebolrwydd trwy reoli perfformiad ar bob lefel ac ar draws holl elfennau’r bartneriaeth, a
 Sicrhau prosesau o arfarnu parhaus ac adolygiad rheolaidd er mwyn sicrhau darpariaeth effeithiol a strwythuredig ynghyd â gwerth am arian er mwyn darparu gwasanaeth
Ffactorau Ychwanegol 
 Mae deilydd y swydd yn aelod o Uwch Dîm Rheoli’r Adran Addysg ac yn gweithredu dan gyfeiriad ac arweiniad y Pennaeth Addysg. 
 Disgwylir i’r Swyddog weithio o fewn disgwyliadau holl bolisiau’r sir, yn enwedig y rheini sy’n ymwneud â cyflogaeth, cyfleoedd cyfartal, cydraddoldeb a rheoli data. 
 Gall bydd natur y gwaith yn golygu bod deilydd y swydd yn cyflawni gwaith tu allan i oriau gwaith arferol. 
 Gall bydd yn ofynnol i ddeilydd y swydd, o dro i dro, fynychu cyrsiau hyfforddi, cynadleddau, seminarau neu gyfarfodydd eraill fel sy’n ofynnol yn sgîl ei anghenion hyfforddiant ac anghenion y Gwasanaeth. 
 Telir treuliau yn unol ag amodau lleol gwasanaeth. 
 Cynigir y swydd hon yn amodol ar archwiliad trylwyr gael ei gynnal gan y Swyddfa Cofnodion Troseddol ynghylch unrhyw gofnod troseddol blaenorol.
D.S. Mae’r swydd ddisgrifiad hon yn amlinellu dyletswyddau a chyfrifoldebau’r swydd pan gafodd ei llunio. Gall bydd y dyletswyddau a’r cyfrifoldebau yn newid o dro i dro heb newid cymeriad cyffredinol y dyletswyddau na lefel y cyfrifoldeb. Mae amrywiadau o’r fath yn gyffredin ac ni all gyfiawnhau ystyried ail-raddio’r swydd.
• Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin 
 
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
angen i weithio oriau anghymdeithasol.
 
Dim ond amlinelliad o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol a’r lefel cyfrifoldeb.