Pwrpas y swydd
• Cynorthwyo'r Rheolwr Archwilio gyda phob swyddogaeth sy'n ymwneud â chyflwyno'r Gwasanaeth Archwilio a dirprwyo'n ffurfiol ar ran Rheolwr Archwilio'r Gogledd fel yr ofynol
• Cynrychioli'r Rheolwr Archwilio a gweithredu fel uwch swyddog, gan ymdrin â materion rheoli staff dydd-i-ddydd.
• Cynorthwyo gyda rheoli'r ddarpariaeth ddiogel o Wasanaeth Archwilio Asedau Priffyrdd Gogledd a Chanolbarth Cymru at ofynion deddfwriaethol, prosesau Iechyd a Diogelwch Asiantaethau, ac fel cleient o dan D2.2 Pennod 8 Canllaw Arwyddion Traffig Rhan 1.
• Cynorthwyo'r Rheolwr Archwilio wrth drosglwyddo'r holl gofnodion archwilio a chynnal yn gywir a phrydlon o'r Asiantaeth i systemau data Llywodraeth Cymru.
• Rheoli rhaglen Archwilio Diogelwch a Chyflwr Asedau at ofynion Llawlyfr Cynnal Cefnffyrdd Llywodraeth Cymru ar gyfer y mathau hyn o asedau:
i) System Atal Cerbydau (VRS)
ii) Systemau draenio
iii) Asedau geodechnegol 
iv) Asedau eraill fel y’u hadnabuwyd
v) Cynorthwyo Rheolwyr Asiantau eraill (e.e. Strwythurau) fel cytunir gyda'r Rheolwr Archwilio.
• Rheoli gweithgareddau cynnal a chadw sy’n gysylltiedig â’r mathau o asedau uchod sydd wedi’u rhaglennu, sy’n arferol ac sy'n rhagweithiol
• Bodloni rhwymedigaethau ACGChC dan Adran 41, “Duty to maintain highways maintainable at public expense” ac Adran 58 “Special defence in action against a highway authority for damages for non-repair of Highway”, Deddf Priffyrdd 1980.
• Cynorthwyo’r Rheolwr Archwilio i weithredu gofynion Rheoliad 13 Endidau Archwilio mewn perthynas ag asedau priffyrdd dan Reoliadau Diogelwch Twneli Ffyrdd 2007 (fel y’u diwygiwyd 2009).
• Ymgymryd â’r swyddogaethau ar y ffordd ac yn y swyddfa gefn sy’n gysylltiedig ag archwilio arbenigol asedau priffyrdd a swyddogaethau cynnal a chadw.
 
Cyfrifoldeb am swyddogaethau . e.e. staff, cyllidebau, offer
Cyfrifoldeb Rheolwr Llinell ar gyfer tîm o Beirianwyr Archwilio a Archwilwyr Dechnegwyr
Yr holl offer, cerbydau a systemau sy’n berthnasol i’r dyletswyddau
Rheoli cyllidebau Archwiliadau a chynnal a chadw cysylltiedig ar gyfer y mathau o asedau uchod.
 
Prif Ddyletswyddau .
Swyddogaeth Archwilio
• Dirprwyo ar ran y Rheolwr Archwilio fel yr ofynol
• Cynorthwyo'r Rheolwr Archwilio i reoli archwiliadau arbenigol gan gynnwys, VRS Manwl, Archwiliadau Draenio a Geodechnegol ar y rhwydwaith priffyrdd yn unol â Llawlyfr Cynnal Priffyrdd Llywodraeth Cymru (WG-TRMM) a gofynion System Wybodaeth Ffyrdd Integredig (IRIS) Llywodraeth Cymru.
• Cynorthwyo a dirprwyo ar ran y rheolwr archwilio wrth fynd i'r afael â'r gorchwylion a ganlyn:-
- Rheoli'r Timau Archwilio sy'n cynnwys Peiriannwyr Archwilio, ac Archwilwyr Dechnegwyr.
- Rheoli'r risg i'r Timau Archwilio.
- Rheoli'r rhaglenni archwilio a dynodi tasgau er mwyn sicrhau fod Gwasanaeth Archwilio'r Asiantaeth yn gweithredu'n unol â (WG-TRMM). Rheoli archwiliadau argyfwng yn ôl y gofyn.
- Darparu adroddiadau ar gyfer Rheolwr Hawliadau Trydydd Parti’r Asiant, y Rheolwr Gwaith Stryd a'r Endid Archwilio Priffyrdd.
- Rheoli’r data o archwiliadau sy'n cael eu dal yn systemau rheoli asedau LlC.
• Lle bo angen, cynnal neu gynorthwyo ag archwiliadau diogelwch ar gyfer pob math o ased.
• Caffael arbenigedd mewn defnyddio system gyfeirio'r rhwydwaith drwy ddeall y System Rheoli Cynnal Ffyrdd (RMS) a system a dogfennau cyswllt-adran-cainc (link-section-node).
• Adnabod, asesu risg a blaenoriaethu diffygion Llawlyfr Cynnal Cefnffyrdd Llywodraeth Cymru.
• Cynnal archwiliadau perthnasol (wedi’u rhaglennu neu'n rhagweithiol)
• Hysbysu’r Rheolwyr Llwybr Cynorthwyol, y Swyddogion Traffig, ACGChC neu’r Gwasanaethau Brys fel y gellir ‘cywiro a diogelu’ diffygion Categori 1 cyn gynted ag y bo’n briodol gwneud hynny.
• Archwilio, adnabod a chodi diffygion Adran 81 Deddf Ffyrdd Newydd a Gwaith Stryd sy’n gysylltiedig ag ailosod gwasanaethau a chodi Archebion Gwaith am ddiffygion Categori 1 cysylltiedig er mwyn i Reolwyr Llwybrau Cynorthwyol / Awdurdodau Partner eu rheoli.
• Cysylltu â’r Rheolwyr Llwybrau Cynorthwyol ac/neu’r Awdurdodau Partner ynglŷn â chynnal archwiliadau ac unioni diffygion.
Systemau ar gyfer Rheoli Asedau
• Cynorthwyo'r Rheolwr Archwilio i reoli'r broses o fewnbynnu data sy'n deillio o Batrolau Diogelwch, ac Archwiliadau Draenio Arbenigol a Manwl i’r IRIS / RMS, gan gynnwys yr allbwn gan Dimau Archwilio darparwyr allanol. Cychwyn y broses o ddatrys unrhyw feysydd problemus TG.
Swyddogaeth Cynnal a Chadw
• Rheoli comisiynu a gweithrediad swyddogaethau cynnal a chadw sy’n gysylltiedig â’r mathau o asedau uchod sydd wedi’u rhaglennu, sy’n arferol ac sy'n rhagweithiol. 
• Creu gwybodaeth Archebion Gwaith am ddiffygion gydag amcan fesur fel sy’n ofynnol gan y meddalwedd cofnodi data archwilio yn system IRIS.
• Rheoli atgyweiriadau diffygion categori a swyddogaethau cynnal a chadw arferol o fewn cyllidebau sydd ar gael ac o fewn cyfyngiadau arwynebedd ffordd.

Swyddogaeth Rhestr Eiddo
• Cynnal arolygon i greu gwybodaeth rhestr eiddo asedau gan fanylu ar asedau priffyrdd newydd a phresennol yn unol â Llawlyfr Cynnal Cefnffyrdd Llywodraeth Cymru. Dylid cofnodi data'r arolwg ar IRIS.
• Cyfrannu at gynnal a chadw’r system gyfeirio rhwydwaith, gan gynnwys addasu, diweddaru a chreu tudalennau’r dogfennau cyswllt-adran-cainc (link-section-node). Adnabod ac adrodd am ddiffygion y ddogfennaeth neu’r system marcio ar y ffordd i’r Swyddog System Asedau.
Gweinyddiaeth Dechnegol RMS (IRIS)
• Cofnodi, dilysu, golygu ac uwchlwytho data archwiliadau ac arolygon i mewn i’r system IRIS, gan gynnwys data archwiliadau arbenigol. Bydd hyn yn cynnwys gwybodaeth atodol ar gyfer cynhyrchu Archebion Gwaith Categori 1 (e.e. ffotograffau a mesurau rhagarweiniol).
• Darparu adroddiadau “diffyg heb ei ddatrys” a gwybodaeth atodol arall i’r Uned Weithredol yn ôl yr angen.
• Cynorthwyo’r Rheolwr Archwilio gydag Adroddiadau Gweithredol neu Adroddiadau Asedau ad hoc yn seiliedig ar brosiect o arolygon, IRIS neu gronfeydd data eraill ar gyfer yr Uned Cyflawni ac Archwilio, yr Uned Fusnes, yr Uned Weithredol, Llywodraeth Cymru ac eraill.
Cyffredinol
• Cynorthwyo'r Rheolwr Archwilio i gymell staff y Tîm Archwilio mewnol, gan gynnwys rheoli'r darparwr gwasanaeth a pherfformiad y staff mewnol
• Goruchwylio a rhoi arweiniad ar waith a ymgymerir gan ddarparwyr gwasanaeth.
• Cyfathrebu’n effeithiol ac yn gwrtais gydag aelodau etholedig, y cyhoedd, aelodau a swyddogion Llywodraeth Cymru yn ogystal â sefydliadau a chyrff allanol eraill.
• Ymdrin â chwynion ac ymholiadau yn gwrtais a phroffesiynol ar y safle neu yn y swyddfa.
• Cydweithredu a chysylltu â staff o Adrannau eraill o fewn y Cyngor, ac Awdurdodau Partner er mwyn hyrwyddo rheolaeth effeithiol o'r ACGChC.
• Bod yn gyfrifol am hunanddatblygiad.
• Ymgymryd ag unrhyw ddyletswyddau perthnasol a rhesymol eraill sy’n gymesur â lefel cyflog a lefel cyfrifoldeb y swydd ar gais y rheolwr llinell.
• Gweithredu oddi mewn i bolisïau a gweithdrefnau’r Cyngor yng nghyswllt cyfle cyfartal a chydraddoldeb.
Iechyd a Diogelwch ac Amgylcheddol
• Cydymffurfio ag agweddau iechyd a diogelwch y tîm archwilio, yn cynnwys rheoli risg drwy gydymffurfio â systemau gwaith diogel wedi’u sefydlu ac asesiadau risg gweithredol er enghraifft.
• Sicrhau yr ystyrir prosesau asesu risg iechyd, diogelwch ac amgylcheddol yn llawn ym mhob agwedd o waith y Gwasanaeth Archwilio Asedau Priffyrdd megis rheoli traffig.
• Mae holl staff yr Asiant yn gyfrifol am gydymffurfio â’r polisïau Iechyd a Diogelwch, amgylcheddol ac ansawdd fel y cânt eu diffinio yn System Rheoli Busnes Integredig yr Asiant.
• Sicrhau y cedwir yn gaeth at bolisïau a deddfwriaethau amgylcheddol a Iechyd a Diogelwch yn y Gwaith.
• Cymryd cyfrifoldeb am Iechyd a Diogelwch personol bob amser.
• Disgwylir i ddeilydd y swydd fod yn ymwybodol o’r gofynion e.e. deddfwriaeth Iechyd a Diogelwch a chydweithredu gyda Rheolwr Iechyd a Diogelwch y Cyngor er mwyn sicrhau cydymffurfiaeth â’r gofynion perthnasol.Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor.
• Gweithredu oddi mewn i bolisïau a gweithdrefnau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â chanllawiau rheoli gwybodaeth y Cyngor. Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth Diogelu Data.
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithio'n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall rhesymol sy’n cyfateb â lefel cyflog a lefel cyfrifoldeb y swydd.
 
Amgylchiadau Arbennig e.e. yr angen i weithio oriau anghymdeithasol, trefniadau gwaith arbennig ac ati
• Y gofyn i weithio oriau y tu allan i oriau gwaith arferol yn ôl y gofyn, er enghraifft archwiliadau gyda’r nos neu ar benwythnosau o fewn rheoli traffig a Chau Twneli.
• Y gofyn i ymgymryd â hyfforddiant yn ôl yr angen gan roi ystyriaeth arbennig i faterion Iechyd a Diogelwch a hyfforddiant Archwilio Asedau Priffyrdd arbenigol. 
Dim ond amlinelliad o’r dyletswyddau yw'r uchod i roi syniad o lefel y cyfrifoldeb sydd ynghlwm â’r swydd. Nid yw’r swydd ddisgrifiad yn gyflawn o ran y manylion, a gall dyletswyddau’r swydd newid o bryd i'w gilydd heb newid natur a lefel cyfrifoldeb sylfaenol y swydd.