Pwrpas y Swydd:
• Arwain ar wneud y mwyaf o'r gwerth cymdeithasol a buddion cymunedol ddaw yn sgil gweithgaredd caffael.
• Datblygu a chynnal perthnasau effeithiol gyda'r partneriaid allweddol a'r holl gontractwyr.
• Monitro bod ymrwymiadau gwerth cymdeithasol yn cael eu cyflawni fel yr amlinellwyd, gan fodloni'r amserlenni ac ansawdd gofynnol.
• Arwain ar fuddion ar gyfer Uchelgais Gogledd Cymru, rheoli'r platfform ar-lein Impact.
Cyfrifoldeb am swyddogaethau (e.e. staff, cyllidebau, offer):
• Asedau swyddfa ac offer symudol arall yn cynnwys gliniaduron a ffonau symudol
• Rheolaeth matrics o staff ac adnoddau (gan gynnwys cyllidebau) ar draws timau prosiectau gan gynnwys dyrannu a rheoli gwaith.
Dyletswyddau a Chyfrifoldebau:
Gwerth Cymdeithasol
• Arwain ar barhau i ddatblygu gwerth cymdeithasol a effeithiau llesiant yn y broses gaffael.
• Gwreiddio cyflawni gwerth cymdeithasol a buddion cymunedol mewn gweithgaredd caffael.
• Cynnal rhwydweithiau effeithiol o randdeiliaid allanol a phartneriaid cymunedol i hyrwyddo gweithio mewn partneriaeth a fydd yn mynd i'r afael ag ymrwymiadau Gwerth Cymdeithasol cytundebol yn y ffordd fwyaf effeithiol.
• Cynnal dealltwriaeth gref o'r ymrwymiadau Gwerth Cymdeithasol ar gontractau, monitro cynnydd yn erbyn yr ymrwymiadau hyn i sicrhau y cânt eu cyflawni a'u bod yn cwrdd ag amserlenni gofynnol 
• Sicrhau darpariaeth ar ymrwymiadau gwerth cymdeithasol i gwrdd â therfynau amser gofynnol (e.e. ymweliadau safle, profiad gwaith, gweithdai, cyflogaeth a chymorth sgiliau, prosiectau gwirfoddoli ac ati)
• Cynorthwyo i ddatblygu perthnasoedd gwaith cryf gyda rhanddeiliaid a'r gadwyn gyflenwi ar draws Gogledd Cymru a gweithio ochr yn ochr â'r Rheolwr Caffael a Gwerth Cymdeithasol a defnyddio cyfleoedd caffael a chynllunio y Cyngor fel mecanwaith i gynhyrchu gwerth cymdeithasol. 
• Cynorthwyo i gydweithio â thimau ac asiantaethau mewnol ac allanol, er mwyn sicrhau bod ein cadwyn gyflenwi yn gyfarwydd â'n prosesau a'n gofynion gwerth cymdeithasol sy'n ymwneud â gwahanol gontractau. 
• Defnyddio Fframwaith Gwerth Cymdeithasol ac Egwyddorion Caffael Gogledd Cymru i gasglu, mesur a rheoli data ar gyfer y rhaglenni a'r prosiectau. 
• Cynorthwyo i gefnogi'r tîm i gynhyrchu adroddiadau effaith ar werth cymdeithasol yn ogystal ag cynhyrchu adroddiadau gan ddefnyddio Porth Gwerth Cymdeithasol – TOMs Cenedlaethol i'w dosbarthu i gleientiaid, partneriaid ac i gefnogi ceisiadau. - defnyddio'r system Impact ar-lein. 
• Gweithredu fel y pwynt cyswllt canolog wrth fonitro a chydlynu'r holl gyfleoedd gwerth cymdeithasol.
Buddion
• Arwain ar weithredu Strategaeth Gwireddu Buddion Uchelgais Gogledd Cymru, gan sicrhau bod yr hyn a ddysgir drwy gyflawni, monitro a gwerthuso'r strategaeth yn cael ei ddefnyddio a'i gynnwys mewn prosesau tîm 
• Adnabod, monitro ac gwireddu buddion fel amlinellir yn yr Achosion Busnes Rhaglen a Phortffolio. 
• Rheoli'r system Adrodd Impact, gan adolygu a monitro'r system yn gyson i sicrhau ei bod yn rhwydd i'w defnyddio, ac adnabod a datrys unrhyw broblemau. 
• Arwain ar ddatblygu dulliau a thechnegau ar gyfer dadansoddi data a darlunio data, gan weithio gydag uwch reolwyr, ac arweinwyr rhaglen/prosiect i sicrhau bod y gwaith dadansoddi yn cefnogi anghenion y sefydliad.
• Arwain ar gynhyrchu adroddiadau chwarterol a blynyddol clir a gweledol cymhellol, gan weithio gydag arweinwyr rhaglenni/prosiectau i sicrhau bod data yn y system yn ddilys ac yn gyfredol. 
• Sicrhau bod systemau data yn cydymffurfio â’r holl reoliadau (e.e. GDPR) ac wedi'u cysylltu'n briodol i systemau sefydliadol eraill.
• Sicrhau bod data manwl gywir yn cael ei gofnodi ar draciwr y system Impact er mwyn galluogi cynhyrchu adroddiadau mewnol ac allanol gan / ar gyfer yr uwch dîm arweinyddiaeth a chefnogi datblygiad parhaus Strategaethau a Chynlluniau Ymgysylltu Gwerth Cymdeithasol lleol.
Cyfathrebu
• Cefnogi i dynnu sylw at newyddion da a chyflawniadau sy'n ymwneud â gwerth cymdeithasol i'r tîm / cylchlythyrau / cyfathrebu ac yn y blaen. Ysgrifennu erthyglau a thynnu lluniau i'w hanfon ymlaen at yr Swyddog Arweiniol Cyfathrebu ac Ymgysylltu Strategol i rannu ar draws y gwahanol lwyfannau cyfryngau cymdeithasol.
Strategol
• Cefnogi'r gwaith o gydlynu, datblygu a chyflawni Gweledigaeth Twf Gogledd Cymru.
• Cefnogi'r gwaith o gydlynu a rheoli'r rhyng-ddibyniaethau ar draws rhaglenni a phrosiectau ar y cyd.
• Bod yn bencampwr gwerthoedd ac egwyddorion caffael Uchelgais Economaidd Gogledd Cymru ar draws y bartneriaeth
Swyddfa Rheoli Portffolio
• Gweithio gyda’r Rheolwr Caffael a Gwerth Cymdeithasol a Rheolwyr Rhaglen y Cynllun Twf i sicrhau bod Adnoddau digonol mewn lle ar draws y Swyddfa Rheoli Portffolio i gefnogi gyda gwerth cymdeithasol a gwireddu buddion. 
• Gweithio'n agos gyda'r timau Rhaglen a Phrosiect yn cynnwys y Bartneriaeth Sgiliau Ranbarthol i sicrhau bod gwerth cymdeithasol a buddion yn cael eu gwreiddio yn holl waith Uchelgais Gogledd Cymru.
Adrodd ac Atebolrwydd
• Paratoi a chydlynu adroddiadau ar weithgaredd buddion a gwerth cymdeithasol.
Llysgenhadol
• Gweithredu fel lladmerydd dros y Weledigaeth Twf a'r rhanbarth.
• Datblygu a rheoli perthnasau allanol effeithiol ar bob lefel.
• Bod yn bencampwr gwerth cymdeithasol a buddion ar draws partneriaeth Uchelgais Gogledd Cymru.
Cydymffurfiaeth ac Ymddygiad
• Gweithio yn unol â'r holl bolisïau a gweithdrefnau sydd wedi'u gosod a'r gyfraith e.e. ariannol, cydraddoldeb ac iechyd a diogelwch.
• Arddangos y safonau uchaf o ymddygiadau a gwerthoedd proffesiynol, yn unol â gwerthoedd sefydliadol Uchelgais Gogledd Cymru.