YSGOL BRO IDRIS  
 
SWYDD DDISGRIFIAD PENNAETH CYNORTHWYOL FFÊS YR YSGOL
Pennaeth Cynorthwyol Ffês 2 –Blwyddyn 5-Blwyddyn 8 
 
Graddfa Cyflog: 
(Graddfa Genedlaethol Arweinyddol – L9 – L13 (£55,702 - £61,466)
 
Pwrpas craidd swydd Pennaeth Cynorthwyol Ffês yr ysgol hon yw rhoi cymorth i ddarparu arweinyddiaeth a rheolaeth broffesiynol a chymryd rhan mewn ystod eang o weithgareddau i gefnogi datblygiad Ysgol Bro Idris 3 - 16 fel Cymuned Ddysgu lwyddiannus.
 
Disgwylir i’r Pennaeth Cynorthwyol Ffês feddu ar weledigaeth i ddarparu cwricwlwm arloesol ar gyfer ysgol ddilynol ragorol.
 
Disgwylir i’r Pennaeth Cynorthwyol Ffês ymdrechu i gyfrannu gyda’r Pennaeth Strategol a’r Dirprwy i sicrhau gwelliant parhaus  a llwyddiant i’r ysgol yn sgil cyfleoedd dysgu ac addysgu o safon uchel i’r holl ddisgyblion a safonau cyrhaeddiad uchel ym mhob agwedd o waith yr ysgol.
 
Disgwylir i’r Pennaeth Cynorthwyol Ffês fod yn gyd-gyfrifol am greu amgylchedd dysgu cyffrous, ysgogol a chynhyrchiol ar gyfer y disgyblion a’r staff .
 
Disgwylir i’r Pennaeth Cynorthwyol Ffês gyfrannu gyda’r Pennaeth Strategol a’r Dirprwy i sicrhau fod yr ysgol yn gwarchod gwerthoedd yr iaith Gymraeg ac yn dilyn Polisi Iaith yr Awdurdod.
 
Disgwylir i’r Pennaeth Cynorthwyol Ffês ddirprwyo yn ystod absenoldeb y Pennaeth Strategol a/neu y Dirprwy yn ôl y gofyn.
 
Disgwylir i’r Pennaeth Cynorthwyol Ffês fod yn Aelod o’r Tîm Arweinyddol Strategol ac yn gweithredu portffolio o gyfrifoldebau strategol.
 
Disgwylir i’r Pennaeth Cynorthwyol Ffês addysgu disgyblion hanner amserlen wythnosol.
 
 Dyletswyddau'r Swydd:
 
Mae gofynion y swydd hon i'w gyflawni yn unol â darpariaethau Dogfen Cyflogau ac Amodau Athrawon ysgol ac o fewn amrediad dyletswyddau athrawon fel y'u nodir yn y ddogfen honno.
 
Mae’r swydd hefyd yn ddarostyngedig i Amodau Gwaith Athrawon Ysgol yng Nghymru a Lloegr (Y Llyfr Bwrgwyn) ac i unrhyw amodau perthnasol a gytunwyd yn lleol.
 
Mae'r dyletswyddau hyn i'w cyflawni yn ôl cyfarwyddyd rhesymol y Pennaeth Strategol a’r Dirprwy Bennaeth o bryd i'w gilydd fel y bo'n briodol.
 
Gweler yr Atodiad : Safonau Athrawon wrth eu Gwaith sydd wedi eu haddasu gan yr ysgol.
 
 Prif Ofynion
 
2.1       Rhaid i ddyletswyddau proffesiynol Pennaeth Cynorthwyol Ffês yr ysgol hon gael eu cyflawni yn unol â’r darpariaethau’r  Deddfau Addysg, Gorchmynion a Rheoliadau sy’n weithredol dan y Deddfau Addysg, offeryn llywodraethu'r ysgol, unrhyw ddogfen ymddiriedolaeth sy’n berthnasol i’r ysgol ac unrhyw gynllun sy’n cael ei baratoi neu ei gynnal gan Yr Awdurdod Lleol dan Adran 48 Deddf Safonau a Fframwaith Ysgolion 1998(87).
 
2.2       Rhaid cyflawni’r dyletswyddau yn unol ag unrhyw reolau, rheoliadau neu bolisïau a wnaethpwyd gan gorff llywodraethu’r ysgol ac y mae’r corff hwnnw yn gyfrifol amdanynt; ac yn yr un modd unrhyw reolau, rheoliadau neu bolisïau a wnaethpwyd gan Yr Awdurdod Lleol o ran materion nad yw’r corff llywodraethu yn gyfrifol amdanynt.
 
2.3       Mae'r Pennaeth Cynorthwyol Ffês yn atebol i’r Corff Llywodraethol a Phennaeth Strategol yr Ysgol a Phennaeth Addysg Statudol Gwynedd.
 
2.4       Pe byddai angen, disgwylir i ddeilydd y swydd fod ar gael i weithio ar unrhyw safle yn ôl y gofyn.
 
 
 Cyfrifoldebau Proffesiynol
 
Mae disgwyl i’r Penaneth Cynorthwyol Ffês gyflawni’r dyletswyddau proffesiynol fel a ganlyn:
 
3.1       Dangos arweiniad cadarn er mwyn creu’r amgylchedd sy’n galluogi athrawon fodloni'r ’Safonau Athrawon wrth eu Gwaith’  - sydd wedi eu haddasu gan yr ysgol gweler yr Atodiad.
 
 
3.2       Cynorthwyo gyda threfniadaeth, a datblygiad ysgol gyfan trwy helpu i ddarparu arweinyddiaeth strategol gyffredinol a, gydag eraill, arwain, datblygu a chefnogi cyfeiriad strategol, gweledigaeth, gwerthoedd a blaenoriaethau’r ysgol. Mae angen datblygu, gweithredu a gwerthuso polisïau, arferion a gweithdrefnau’r ysgol yn rheolaidd yn unol â’r gofynion hyn;
 
3.3       Cyfrannu i waith y Pennaeth Strategol mewn arwain a rheoli’r addysgu a’r dysgu ar oddi fewn y ffês.
 
3.4       Bydd portffolio rheoli’r ffês yn adlewyrchiad o oed a chyrhaeddiad y disgyblion ag addysgir ynddi.  Yn ychwanegol bydd yn cynnwys portffolio traws ysgol e.e.  Cydlynydd Asesu a Thracio, Cydlynydd AgD ac Ymateb i Waith, Cydlynydd Rhifedd Trawsgwricwlaidd, Cydlynydd Llythrennedd Trawsgwricwlaidd, Cydlynydd Cymhwysedd Digidol, Cydlynydd BAC, Cydlynydd MATH ayyb
 
 
3.5       Cyfrannu at arwain, rheoli a datblygu’r gweithlu gan sicrhau ymglymiad i strategaethau arfarnu, rheoli perfformiad ac unrhyw ofynion datblygiad proffesiynol staff gydag ystyriaeth lawn o’r disgwyliad ynghylch cydbwysedd iach rhwng gwaith ac ymrwymiadau eraill pob aelod o staff;
 
3.6       Cyd-drefnu a lleoli adnoddau yn yr ysgol, gan gynnwys staff, mewn modd sy’n addysgiadol effeithiol, yn hyrwyddo nodau a gwerthoedd yr ysgol ac yn cael eu targedu at wella safonau addysgol pob disgybl. 
 
3.7       Cyfathrebu’n effeithiol gyda’r corff llywodraethu, staff, disgyblion, rhieni a gofalwyr gan sicrhau atebolrwydd llawn
 
3.8       Cydweithio gyda staff yr ysgol a gweithwyr proffesiynol perthnasol eraill yn yr ysgol a thu hwnt i'r ysgol, gan gynnwys cyrff ac asiantaethau allanol perthnasol
 
3.9       Mewn cydweithrediad gyda’r Pennaeth gweithredu fel rheolwr llinell ar y Penaethiaid Safonau,  (union feysydd i’w trafod).
 
3.10     Arwain a chefnogi gweithgareddau allgyrsiol yn yr ysgol a’r tu allan iddi, gan gynnwys cysylltu â’r gymuned.
 
3.11     Bod yn gyfrifol am ganfod athrawon llanw tymor hir a rhoi arweiniad proffesiynol iddynt, ar gyfer y ffês.
 
3.12     Rheoli a threfnu awyrgylch ysgol yn effeithiol ar yn effeithlon er mwyn ymateb i anghenion y cwricwlwm.
 
3.13     Trefnu cyfarfodydd gyda rhieni er mwyn trafod lles, tangyflawni neu faterion cwricwlaidd.
 
Mae gan y Pennaeth Cynorthwyol Ffês hawl i egwyl resymol yn ystod pob diwrnod ysgol.
 
Gellir newid y swydd ddisgrifiad a'r cyfrifoldebau penodol trwy gytundeb.
 
 
Yr wyf wedi darllen yr uchod ac yn ymwybodol o’r cynnwys:
 
Llofnod                                                                                               Dyddiad
 
 
 
 
 
 
 
 
 
ATODIAD I SWYDD DDISGRIFIAD: PENNAETH CYNORTHWYOL FFÊS YSGOL BRO IDRIS
 
Safonau Athrawon wrth eu Gwaith sydd wedi eu haddasu gan yr Ysgol 
 
Nodweddion a gwerthoedd proffesiynol
Gwerthfawrogi’r amrywiol anghenion sydd gan blant a phobl ifanc.
Rhoi gwerth ar berthynas deg, barchus, llawn ymddiriedaeth, gefnogol ac adeiladol â phlant a phobl ifanc.
Meddu ar ddisgwyliadau uchel o blant a phobl ifanc er mwyn gwella'r deilliannau ar gyfer pob dysgwr a gwella eu lles.
Gwerthfawrogi pa mor bwysig yw meithrin cysylltiadau cadarnhaol rhwng y cartref a'r ysgol.
Gwerthfawrogi'r rhan weithredol y mae plant a phobl ifanc yn ei chymryd yn eu cynnydd, eu datblygiad a'u lles eu hunain.
Gwerthfawrogi'r rhan weithredol y mae rhieni a gofalwyr yn ei chymryd yng nghynnydd, datblygiad a lles plant a phobl ifanc.
Gwerthfawrogi'r cyfraniad y mae plant a phobl ifanc yn ei wneud yn eu cymunedau, a'i ddathlu.
Gwerthfawrogi'r cyfraniad y mae staff cymorth a gweithwyr proffesiynol eraill yn ei wneud i ddysgu, datblygiad a lles plant a phobl ifanc.
Cymryd rhan weithredol mewn rhwydweithiau proffesiynol a chymunedau dysgu sy'n rhannu rhagdybiaethau a dealltwriaeth gyda chydweithwyr, ac yn eu treialu, a chyfrannu at ddatblygiad ehangach yr ysgol a'r proffesiwn.
Gwerthfawrogi pa mor bwysig yw sicrhau bod ymarfer yn gwella drwy bwyso a mesur a chymryd cyfrifoldeb dros eu datblygiad proffesiynol parhaus.
Meddu ar ddisgwyliadau uchel o ran datblygu’r iaith Gymraeg yn unol â natur ddwyieithog Cymru.
 
Gwybodaeth a dealltwriaeth proffesiynol
Meddu ar yr wybodaeth a'r ddealltwriaeth ddiweddaraf am ddyletswyddau a chyfrifoldebau proffesiynol athrawon a'r fframwaith statudol y maen nhw'n gweithio ynddo.
Deall y cyd-destun polisi addysg genedlaethol yng Nghymru a blaenoriaethau Llywodraeth Cymru ar gyfer addysg, gan gynnwys deall egwyddorion y Cwricwlwm Cymreig a Chwricwlwm am Oes sut y dylid ei ddefnyddio fel sail i’w hymarfer.
Defnyddio dealltwriaeth o ddisgwyliadau, trefniadaeth ac addysgeg y cyfnodau allweddol neu'r cyfnodau cyn a/neu ar ôl y rhai y maen nhw'n eu dysgu fel sail i'w hymarfer a'u cynllunio.
Deall y ffactorau allweddol sy'n effeithio ar ddysgu a lles plant a phobl ifanc.
Dealltwriaeth o’r disgwyliadau yn y cwricwlwm mewn perthynas â darpariaeth cyfrwng Cymraeg a/neu Gymraeg ail Iaith.
Parhau i gaffael yr wybodaeth a'r ddealltwriaeth ddiweddaraf mewn perthynas â'u pynciau/meysydd cwricwlwm a'r addysgeg berthnasol i'w defnyddio fel sail i’w hymarfer.
Deall eu rôl i wella sgiliau llythrennedd a rhifedd a Chymhwysedd Digidol yn draws gwricwlaidd.
Parhau i gaffael gwybodaeth a dysgu ym maes TGCh a Chymhwysedd Digidol i gefnogi'r addysgu a'r dysgu, ac yn eu rôl broffesiynol ehangach.
Deall Cod Ymarfer AAA Cymru a'i gymhwyso i fodloni amrywiol anghenion dysgwyr.
Deall pryd y mae'n briodol i ofyn am wybodaeth, cyngor a chefnogaeth o ffynonellau mewnol ac allanol, gan gynnwys gweithdrefnau diogelu plant, a sut mae gwneud hynny.
Bod yn ymwybodol o strategaethau amrywiol a gwybod sut i'w defnyddio i annog ymddygiad da a chreu amgylchedd dysgu pwrpasol.
Deall sut y gellid defnyddio Confensiwn y Cenhedloedd Unedig ar Hawliau'r Plentyn a’r Safonau Cenedlaethol ar gyfer Cyfranogiad Plant a Phobl Ifanc fel sail i'w hymarfer ac i wella deilliannau dysgwyr.
 
Sgiliau Proffesiynol
Cynllunio a gosod targedau
Gosod amcanion addysgu a dysgu heriol sy’n cael eu harwain gan ddisgwyliadau deallus am ddysgwyr unigol yn seiliedig ar wybodaeth am safonau disgwyliedig y grŵp oedran perthnasol ac ystod a chynnwys y gwaith sy’n briodol i ddysgwyr yn y grŵp oedran hwnnw.
Defnyddio’r amcanion addysgu a dysgu hyn i gynllunio gwersi, a chyfresi o wersi, sy'n dangos yn glir sut y bydd gwybodaeth, sgiliau a dealltwriaeth y dysgwyr yn cael eu hasesu.
Personoli'r dysgu er mwyn rhoi sylw i anghenion unigol gan gynnwys ceisio barn y dysgwyr am beth fyddai o gymorth iddynt gyflawni eu potensial.
Pennu adnoddau i gefnogi’r dysgu a fydd yn ysgogi ac yn symbylu pob dysgwr i gyflawni’r deilliannau a ddymunir.
Gweithio’n effeithiol fel aelod o dîm a chydweithio â chydweithwyr i gynllunio gwaith a phennu targedau.
Cydweithio â chydweithwyr yn draws sirol a chenedlaethol.
Cynllunio er mwyn i’r staff cymorth gymryd rhan briodol yn y gwaith o gefnogi’r dysgu a sicrhau eu bod yn deall y rolau mae disgwyl iddynt eu cyflawni.
Cynllunio cyfleoedd priodol i blant a phobl ifanc ddysgu mewn lleoliadau y tu allan i’r ystafell ddosbarth.
Trefnu, rheoli a blaenoriaethu amser yn effeithiol o fewn eu rôl broffesiynol ehangach.
Sefydlu a chynnal dulliau cyfathrebu effeithiol â phlant, pobl ifanc a’u rhieni/gofalwyr.
Monitro ac asesu
Defnyddio amrywiaeth o strategaethau monitro ac asesu, gan gynnwys asesiadau ffurfiannol a chyfunol, i werthuso cynnydd y dysgwyr tuag at gyflawni eu hamcanion dysgu, a defnyddio'r wybodaeth hon i wella eu gwaith cynllunio ac addysgu eu hunain.
Bodloni'r gofynion a'r trefniadau asesu ar gyfer y pynciau/meysydd cwricwlwm a chyfnodau y maen nhw'n eu dysgu, gan gynnwys y rheini sy'n gysylltiedig ag arholiadau a chymwysterau cyhoeddus.
Defnyddio technegau monitro ac asesu i nodi a chefnogi dysgwyr, gan gynnwys: y rheini ag anghenion dysgu ychwanegol; dysgwyr sy'n fwy abl a thalentog; dysgwyr sy'n gweithio ar lefel is na'r disgwyl ar gyfer eu hoed; dysgwyr sy'n methu â chyrraedd eu potensial; a dysgwyr ag anawsterau ymddygiadol, emosiynol a chymdeithasol.
Cynnwys dysgwyr yn y gwaith o osod targedau ac wrth bwyso a mesur eu perfformiad a'i werthuso.
Monitro a chofnodi cynnydd a chyflawniadau dysgwyr i ddarparu tystiolaeth o ystod eu gwaith, eu cynnydd a'u cyrhaeddiad dros gyfnod o amser, gan ystyried cyfranogiad a safbwynt y dysgwr.
Rhoi adborth cywir ac adeiladol i ddysgwyr ar eu cryfderau, eu gwendidau, eu cyrhaeddiad, eu cynnydd, a'r meysydd i'w datblygu, gan gynnwys cynlluniau gweithredu ar gyfer gwella.
Rhoi adborth amserol, cywir ac adeiladol i gydweithwyr, rhieni a gofalwyr ar gyrhaeddiad dysgwyr, eu cynnydd, a'r meysydd i'w datblygu, gan ddefnyddio cofnodion ategol a thystiolaeth arall.
 
 
Addysgu a rheoli'r dysgu
Sefydlu a chynnal amgylcheddau dysgu effeithiol, lle mae pob dysgwr yn teimlo'n ddiogel a hyderus.
Dysgu'r sgiliau, yr wybodaeth a'r ddealltwriaeth angenrheidiol a disgwyliedig sy'n berthnasol i anghenion y dysgwr, gan wneud defnydd priodol o'r canllawiau cenedlaethol perthnasol.
Cynnig darpariaeth wedi'i phersonoli effeithiol wrth addysgu, gan gynnwys rhoi ystyriaeth ymarferol i amrywiaeth a hyrwyddo cydraddoldeb a chynhwysiant.
Herio achosion o ragfarnu, stereoteipio, bwlïo ac aflonyddu, yn unol â pholisïau a gweithdrefnau'r ysgol.
Dysgu gwersi neu gyfresi o waith ag iddynt strwythur clir fel bod pob dysgwr yn deall yr amcanion dysgu arfaethedig, ac yn eu bodloni.
Defnyddio strategaethau addysgu priodol sy'n datblygu gallu pob dysgwr i weithio ar y cyd ac yn annibynnol.
Datblygu ar amrywiol brofiadau, cyflawniadau a diddordebau'r dysgwyr i'w helpu i wneud cynnydd.
Rheoli'r amser addysgu a dysgu yn effeithiol.
Rheoli'r amgylchedd dysgu ffisegol, yr offer, deunyddiau, testunau ac adnoddau eraill yn ddiogel ac effeithiol.
Defnyddio strategaethau addysgu priodol i sicrhau ymddygiad cadarnhaol.
Defnyddio strategaethau addysgu priodol i hyrwyddo lles plant a phobl ifanc.
Defnyddio strategaethau addysgu priodol i hyrwyddo cynnydd a deilliannau da i ddysgwyr dros gyfnod estynedig o amser.
Defnyddio TGCh a’r Fframwaith Cymhwysedd Digidol  yn effeithiol wrth addysgu a dysgu.
Annog dysgwyr i wneud cynnydd annibynnol drwy ddarparu gweithgareddau neu gyfleoedd eraill i astudio y tu allan i oriau ysgol, sy'n ategu’r gwaith a wneir yn yr ysgol, ac yn ymestyn arno.
Cydweithio ag athrawon a chydweithwyr eraill, gan gynnwys y rheini o asiantaethau allanol, i wella dysgu a lles y rheini y maen nhw'n eu haddysgu.
Hyrwyddo dealltwriaeth dysgwyr o natur ddwyieithog Cymru a datblygu eu sgiliau dwyieithog fel sy'n briodol.