Mae cyfle cyffrous wedi codi i benodi Uwch Ymarferydd yn Nhîm Plant a Theuluoedd Arfon, Gwynedd. Mae’r tîm wedi’i leoli yng Nghaernarfon ac yn darparu gwasanaethau i deuluoedd yn ardal Arfon sy’n cynnal asesiadau ac ymyriadau gan gynnwys Gofal a Chymorth, Amddiffyn Plant a gwaith Plant sy’n Derbyn Gofal. Fel Uwch Ymarferydd byddwch yn dal llwyth achosion amrywiol o achosion cymhleth, lle bydd eich sgiliau a'ch gwybodaeth yn cefnogi canlyniadau da i'r plentyn.
Byddwch yn gweithio ochr yn ochr â'r rheolwr tîm i gefnogi'r tîm gwaith cymdeithasol.
Byddwch yn cael:
- Cyflog o £35,336 (graddfa gyflog ps2) gyda'r cyfle am daliad blynyddol ychwanegol o £1968.00 i'r ymgeisydd cywir yn dibynnu ar brofiad ymarfer (codiad i raddfa gyflog ps3 - £38,890). Bydd y taliad ychwanegol hwn yn cael ei adolygu'n flynyddol ac ar ôl cwblhau gwerthusiad blynyddol.
- Mae Cyngor Gwynedd wedi ymrwymo i sicrhau bod staff yn cael cydbwysedd iach rhwng bywyd a gwaith. Hyrwyddir trefniadau gweithio hybrid a gweithio hyblyg lle bo anghenion y gwasanaeth yn caniatáu hynny.
- Byddwch yn cael cyfleoedd hyfforddi rhagorol a chefnogaeth i ddatblygu yn eich rôl, gan gynnwys ystod eang o raglenni hyfforddi mewnol ac allanol.
- Cynllun Pensiwn Llywodraeth Leol.
- Gwyliau blynyddol hael a hawl i wyliau arbennig
- Cefnogaeth Iaith Gymraeg - p'un a oes angen cymorth arnoch i wella'ch sgiliau Cymraeg, neu'n ddysgwr newydd, mae ystod eang o gymorth ar gael
Mae gan Cyngor Gwynedd becyn cyflogaeth deniadol, am ragor o wybodaeth  cliciwch ar y Pecyn Gwybodaeth
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol mae croeso i chi gysylltu â Stephanie Dabernig ar 01286 682898 neu stephaniedabenrig@gwynedd.llyw.cymru.
Ffurflenni cais a manylion pellach gan , Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076 eBost: Swyddi@gwynedd.llyw.cymru
DYDDIAD CAU:  10.00 O’R GLOCH, DYDD IAU, 18/08/2022
Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus
Os yn llwyddiannus i fod ar y rhestr fer am gyfweliad, byddwn  yn cysylltu a chwi drwy’r
cyfeiriad E-BOST a gofnodwyd gennych ar eich ffurflen gais.  Mae angen i chwi sicrhau eich bod yn gwirio  eich  E-BOST yn rheolaidd.