DISGRIFIAD SWYDD Ysgol Bro Idris
SWYDD: Swyddog Cynhwysiad Ysgol Bro Idris
YSTOD CYFLOG: Graddfa S1 Pwyntiau 12-17 – £18,852 - £20,815
 
Amser 35 awr yr wythnos
Tymor Ysgol (40 wythnos yn cynnwys 5 diwrnod HMS a 5 diwrnod yn ystod y gwyliau)
Oriau gwaith arferol: 8.45– 16:15 (hanner awr i ginio)
DEILIAD SWYDD:
YN ATEBOL I: Dirprwy Bennaeth Ysgol Bro Idris. Bydd y deilydd yn gweithredu yn unol a chyfarwyddyd dydd i ddydd y Dirpwy Bennaeth.
DYLETSWYDDAU: Bydd pob aelod o staff a gyflogir yn yr ysgol yn gweithredu pob cais neu gyfarwyddyd rhesymol a roddir gan y Pennaeth a/neu ei gynrychiolydd. Dylai pob aelod o staff, heb eithriad, weithredu yn ôl polisïau’r ysgol.
PWRPAS SWYDD
• Ysgwyddo rôl arweiniol i weithredu gweledigaeth gynhwysol Ysgol Bro Idris.
• Gweithredu fel aelod arweiniol o dîm o weithwyr ymgysylltu aml-ddisgyblaethol ar gyfer sicrhau fod disgyblion bregus Ysgol Bro Idris yn derbyn cefnogaeth, sgiliau a`r cyfleoedd unigryw fel eu bod yn llwyddo i symud ymlaen i addysg, hyfforddiant neu waith. Gwneir hyn trwy ddatblygu cysylltiadau effeithiol rhwng Ysgol Bro Idris, disgyblion, teuluoedd a`r gymuned leol ac i ddarparu`r cymorth a`r sgiliau addas ar eu cyfer.
• Cynnal a gwella ymddygiad grwpiau o ddisgyblion neu unigolion.
• Ysgwyddo cyfrifoldeb am unigolion neu/a grwpiau penodol o ddisgyblion gan ddilyn canllawiau gan athro ond gan weithio`n annibynnol i lefel uchel. 
• Ysgwyddo cyfrifoldeb am weithgareddau dysgu y cytunwyd arnynt o dan gyfundrefn oruchwylio gytûn. Gall hyn gynnwys cynllunio, paratoi a chyflwyno gweithgareddau dysgu ar gyfer unigolion/grwpiau a monitro disgyblion ac asesu, cofnodi ac adrodd ar lwyddiannau, cynnydd a datblygiad y disgyblion.
• Cyfrifol am reoli a datblygu agweddau cynnal ymddygiad a lles o fewn yr ysgol gan roi arweiniad i gymorthyddion addysgu eraill, yn cynnwys dyrannu a monitro gwaith, gwerthuso a hyfforddiant.
Prif gyfrifoldebau
• Defnyddio adnabyddiaeth bersonol, gwybodaeth athrawon am ddisgyblion a gwybodaeth sydd o fewn system adnabod yr ysgol ar gyfer adnabod disgyblion a blaenoriaethu cefnogaeth.
• Ymateb i gyfeiriadau a thrafod darpar achosion gyda thîm cynhwysiad yr ysgol.
• Gweithredu fel mentor ac eiriolwr ar gyfer disgyblion yn unol â threfn yr ysgol gan ddarparu elfen fugeiliol a gosod targedau realistig.
• Gwrando ac estyn cymorth i`r disgyblion ddatrys nifer o’r rhesymau sy`n eu rhwystro rhag llwyddo mewn addysg a`u cyfeirio at ddarpariaeth arbenigol sydd yn ymateb i`r angen.
• Gweithio`n agos gyda`r disgyblion yng nghyd-destun eu teuluoedd yn unol â`u hanghenion ac unrhyw gynllun gweithredu boed hynny ar sail trefniadau 1:1 neu fel grŵp.
• Bod yn atebol am gynnydd ddisgyblion a chyfrannu at darged o leihau y nifer sydd mewn risg o beidio ymgysylltu mewn addysg, hyfforddiant a gwaith yn 16 oed.
• Gweithredu fel pwynt cyswllt i ymholiadau gan rieni a gwarchodwyr ar gyfer disgyblion penodol, darparu gwybodaeth ac arweiniad a`u cyfeirio i`r ystod o gefnogaeth sydd ar gael iddynt.
• Adnabod bylchau mewn darpariaeth ysgol a chydweithio hefo`r dirprwy bennaeth i lenwi`r bylchau hynny.
• Darparu asesiadau safonol a pharatoi a sicrhau fod cynlluniau gweithredu priodol yn cael eu cwblhau ar gyfer y disgyblion.
• Tracio ac adolygu cynnydd disgyblion ac adrodd i`r ysgol, rhieni/gwarchodwyr a disgyblion.
• Cefnogi`r broses integreiddio disgyblon a theuluoedd newydd i`r ysgol a`r gymuned.
• Cryfhau`r berthynas rhwng yr ysgol, disgyblion a`r gymuned trwy gydweithio gyda sectorau gwirfoddol, iechyd, cyhoeddus, cymunedol a.y.y.b.
• Y dirprwy bennaeth fydd yn gweithredu rôl fel prif gyswllt asiantaethau megis e.e. gwasanaethau cymdeithasol, gwasanaeth iechyd, yr heddlu. gwasanaeth cynhwysiad Cyngor Gwynedd. Bydd deilydd y swydd yn cefnogi yn y cyswllt hwn.
 
Presenoldeb
• Cydweithio â`r ysgol a`r Gwasanaeth Lles Addysg i fonitro presenoldeb a gweithredu`n briodol yn dilyn cyfeiriadau o fewn yr ysgol.
• Llunio a gweithredu amrywiol strategaethau effeithiol i leihau absenoldebau a hybu presenoldeb disgyblion bregus yr ysgol.
• Darparu ymgynghoriaeth, hyfforddiant, cefnogaeth a goruwchwyliaeth ar gyfer strategaethau i atal problemau megis bwlio a thriwantiaeth.
• Casglu gwybodaeth gan staff yr ysgol gan roi ystyriaeth briodol i faterion lles a phresenoldeb.
• Adnabod ffactorau sy`n effeithio ar les ac ymddygiad disgyblion yn yr ysgol ac yn y cartref a hwyluso ymyriadau priodol gyda gweithwyr proffesiynol ac asiantaethau eraill trwy ddarparu asesiadau safonol a pharatoi a sicrhau fod cynlluniau gweithredu priodol yn cale eu cwblhau ar gyfer yr unigolion.
Cefnogi addysg ôl 14
• Gweithredu fel gweithiwr allweddol mewnol a gweithiwr cyswllt pecyn 25 awr CA4 mewnol yr ysgol.
• Cyfrifoldeb am gydlynu a sicrhau darpariaeth i ddisgyblion penodol hyd at ddiwedd eu gyrfa addysgol.
• Sicrhau fod disgyblion perthnasol yn cael mynediad i gyrsiau trac ac yn cael mynediad i gyrsiau rhwydwaith.
Cefnogaeth i Ddisgyblion o fewn y dosbarth.
• Asesu anghenion disgyblion a defnyddio gwybodaeth fanwl a sgiliau arbenigol i gefnogi dysgu’r disgyblion. 
• Sefydlu perthynas weithio gynhyrchiol gyda’r disgyblion, gan weithredu fel model rôl a gosod disgwyliadau uchel. 
• Datblygu a gweithredu cynlluniau addysg unigol a chynlluniau cynnal ymddygiad.
• Hybu cynhwysiad a derbyniad pob disgybl o fewn y dosbarth.
• Cefnogi’r disgyblion yn gyson wrth adnabod eu hanghenion unigol ac ymateb iddynt.
• Annog y disgyblion i ryngweithio a gweithio’n gydweithredol ag eraill ac ymrwymo pob disgybl mewn gweithgareddau. 
• Hybu annibyniaeth a defnyddio strategaethau i adnabod a gwobrwyo cyflawniad a hunan-ddibyniaeth. 
• Darparu adborth i ddisgyblion mewn perthynas â chynnydd a chyflawniad.
Cefnogaeth i’r Athro/Athrawes
• Gweithio o fewn polisi disgyblaeth sefydledig i ragweld a rheoli ymddygiad yn adeiladol, gan hybu hunan-reolaeth ac annibyniaeth.
• Cofnodi yn drylwyr, gynnydd a chyflawniad mewn gwersi/gweithgareddau a darparu tystiolaeth o ystod a lefel cynnydd a chyrhaeddiad.
• Cefnogi rhan rhieni yn nysgu’r disgyblion a chyfrannu tuag at gyfarfodydd/arwain cyfarfodydd gyda rhieni i ddarparu adborth adeiladol ar gynnydd/cyflawniad disgyblion, ayyb.
Cefnogaeth i’r Cwricwlwm
• O fewn cyfundrefn oruchwylio gytunedig, cyflwyno gweithgareddau dysgu i’r disgyblion, addasu gweithgareddau yn unol ag ymatebion/anghenion y disgyblion.
• Cyflwyno strategaethau dysgu lleol a chenedlaethol, e.e. llythrennedd, rhifedd, blynyddoedd cynnar, a gwneud defnydd effeithiol o gyfleoedd a ddarperir gan weithgareddau dysgu eraill i gefnogi datblygiad sgiliau disgyblion.
• Defnyddio TGaCh yn effeithiol i gefnogi gweithgareddau dysgu a datblygu cymhwysedd ac annibyniaeth disgyblion yn ei ddefnydd.
• Dethol a pharatoi adnoddau sy’n angenrheidiol ar gyfer arwain gweithgareddau dysgu, gan gymryd cyfrif o ddiddordebau, iaith a chefndir diwylliannol y disgyblion.
• Cynhyrchu cynlluniau gwersi, taflenni gwaith, cynlluniau, a.y.y.b.
Cefnogaeth i’r Ysgol
• Cydymffurfio a chynorthwyo gyda datblygu polisïau a gweithdrefnau perthynol i waith bugeiliol, cynnal ymddygiad, amddiffyn plant, iechyd, diogelwch a diogeledd, adrodd ar bryderon i’r person priodol.
• Bod yn ymwybodol a chefnogi gwahaniaeth, a sicrhau bod gan bob disgybl fynediad cyfartal i gyfleoedd dysgu a datblygu.
• Cyfrannu tuag at ethos/gwaith/amcanion cyffredinol yr ysgol.
• Defnyddio blaengaredd fel y bo’n briodol i ddatblygu dulliau amlasiantaethol priodol i gefnogi disgyblion.
• Adnabod hunan-gryfderau ac ardaloedd o arbenigedd a defnyddio’r rhain i arwain, cynghori a chefnogi eraill.
• Cyflwyno gweithgareddau dysgu y tu allan i’r ysgol o fewn y canllawiau a sefydlwyd gan yr ysgol.
• Cyfrannu at adnabod a gweithredu gweithgareddau dysgu priodol y tu allan i’r ysgol sy’n cadarnhau ac yn ymestyn gwaith yn y dosbarth.
Materion Amddiffyn Plant
• Gweithredu yn unol â chanllawiau Amddiffyn Plant Cymru.
• Cyfrifol am adrodd ar bryder neu amheuaeth bod plentyn neu oedolyn bregus yn cael ei gamdrin.
• Cynrychioli`r ysgol ar unrhyw bwyllgor rhyngasiantaethol perthnasol.
• Mynychu cynadleddau achos a chyfarfodydd mewn perthynas â`r disgyblion hynny sydd yn cael eu hadnabod gan yr ysgol.
• Cynhyrchu adroddiadau ysgrifenedig ar gyfer cyfarfodydd rhyng asiantaethol neu gyfarfodydd strategaeth.
Arolygu.
• Arolygu gwersi yn ystod absenoldebau dirybudd a chynllunedig athrawon gan: 
• roi gwaith i`r disgyblion sydd wedi ei baratoi gan athrawon.
• gadw trefn a sicrhau fod y disgyblion yn gweithio ac ymddwyn yn briodol. 
• Arolygu arholiadau mewnol ac allanol fel aelod o dîm gan sicrhau trefn briodol a darparu cymorth disgwyliedig o fewn yr arholiadau.
Materion eraill.
• Cyfrifoldeb am hunan ddatblygiad proffesiynol.
• Sicrhau cydymffurfiaeth â rheolau iechyd a diogelwch yn y gweithle yn unol â`r cyfrifoldebau a nodir yn Neddf Iechyd a Diogelwch yn y Gweithle.
• Gweithredu o fewn polisïau`r ysgol yng nghyswllt Cyfle Cyfartal a Chydraddoldeb.
• Cyfrifoldeb am reoli gwybodaeth yn unol â safonau a chanllawiau yr ysgol. Sicrhau fod gwybodaeth bersonol yn cael ei thrin mewn cydymffurfiaeth â Deddfwriaeth Diogelu Data. 
• Ymrwymiad i leihau allyriadau Carbon yr ysgol yn unol â`r cynllun rheoli Carbon ac i annog eraill i weithredu`n gadarnhaol tuag at leihau ôl troed Carbon yr ysgol.
• Gyrru bws mini heb bresenoldeb oedolyn arall gan ddilyn gweithdrefnau Polisi Bysiau Mini Cyngor Sir Gwynedd.
• Ymgymryd ag unrhyw ddyletswydd arall cyfatebol sy`n cydfynd â lefel y cyflog a lefel cyfrifoldeb y swydd.
Cyfrifoldebau Rheoli Llinell Lle bo’n Briodol o dan arweiniad y Dirprwy Benaneth
• Rheoli cymorthyddion addysgu eraill.
• Cysylltu rhwng rheolwyr/staff addysgu a chymorthyddion addysgu.
• Cynnal cyfarfodydd tîm rheolaidd gyda staff a reolir.
• Cynrychioli cymorthyddion addysgu mewn cyfarfodydd priodol addysgu staff/rheoli/arall.
• Ymgymryd â recriwtio/anwytho/gwerthuso/hyfforddi/mentora ar gyfer cymorthyddion addysgu eraill.