Uwch Athro/awes Saesneg fel Iaith Ychwanegol gyda Gwasanaeth Cefnogi Cyflawniad Lleiafrifoedd Ethnig (EMAS)
Pwrpas y Swydd.

 Sicrhau bod plant a pobl ifanc Gwynedd ac Ynys Môn yn ganolog i bopeth yr ydan ni yn ei wneud.
 Sicrhau gwasanaeth arbenigol o safon uchel ar gyfer ysgolion i gefnogi disgyblion sy’n dysgu SIY.
 Cefnogi ysgolion trwy’r Awdurdod i wella cyrhaeddiad a cyflawniad disgyblion ystod oedran 3 – 16 oed o leiafrifoedd ethnig, yn enwedig y rheini sy’n dysgu SIY.
 Sicrhau gweithrediad yn y maes SIY drwy’r defnydd o weithdrefnau a phrosesau effeithiol ar sail tystiolaeth, drwy:
 gydlynnu gwaith y Gwasanaeth Cefnogi Cyflawniad Lleiafrifoedd Ethnig
 arwain y Gwasanaeth Cefnogi Cyflawniad Lleiafrifoedd Ethnig
 dreulio cyfnodau ar lawr dosbarth yn arsylwi, modelu a monitro
 cefnogi ysgolion ar ffurf hyfforddiant ac adnoddau parod
 Gweithredu yn unol â chanllawiau diogelu cadarn

Cyfrifoldeb am Adnoddau. . e.e. staff, cyllid, offer

 Cydlynu’r adnoddau a gweithrediad dydd i ddydd y tîm.
 Cynorthwyo’r Uwch Reolwr Cynhwysiad gyda’r dyletswyddau rheoli llinell ar gyfer yr Athrawon Arbenigol a Cymorthyddion Arbenigol o fewn y Tîm.
 Cyfrifoldeb am gynnal hyfforddiant a chreu adnoddau ar gyfer ysgolion, disgyblion a rhieni
 Gliniadur a ffôn symudol
Prif Ddyletswyddau. .
Mae'r swydd ddisgrifiad hwn i'w gyflawni yn unol a darpariaethau Dogfen Cyflogau ac Amodau Athrawon ysgol ac o fewn amred dyletswyddau athrawon fel y'u nodir yn y dogfen honno cyn belled ag y bo hynny'n berthnasol i deitl y swydd a graddfa cyflog y sawl sydd yn y swydd. Mae’r swydd hefyd yn ddarostyngedig i Amodau Gwaith Athrawon Ysgol yng Nghymru a Lloegr (Y Llyfr Bwrgwyn) ac i unrhyw amodau perthnasol a gytunwyd yn lleol.

Cyfrifoldebau arwain:

• Cydlynu gwaith y Gwasanaeth Cefnogi Cyflawniad Lleiafrifoedd Ethnig.
• Cydlynu gwybodaeth mewn paratoad at y Fforwm SIY.
• Cyfrannu at drafodaeth a phenderfyniadau'r Fforwm SIY.
• Sicrhau gweithrediad yn unol ag argymhellion y Fforwm SIY.
• Sicrhau gwasanaeth cefnogi a chynghori ar gyfer ysgolion a sefydliadau addysgol eraill drwy ddarparu arweiniad a chefnogaeth o ansawdd uchel.
• Cyfrannu at gynlluniau strategol ysgolion unigol ym maes SIY.
• Cyflenwi gwaith proffesiynol drwy weithredu strategaethau a gweithgareddau dysgu ar gyfer disgyblion sy’n dysgu SIY.
• Cyfrannu at fonitro cynnydd disgyblion drwy asesu, cofnodi ac adrodd ar lwyddiannau.
• Cydweithio gydag ysgolion ar gyfer datblygu'r awyrgylch cyfathrebu gyfeillgar o fewn yr ysgol.
• Cyfrifoldeb am hunan reoli llwyth gwaith a blaenoriaethu achosion
• Gweithredu ac addasu pecynnau gwaith penodol, i sicrhau adnoddau arbenigol ar gyfer ysgolion yn y maes SIY.
• Cyd ddatblygu rhaglen hyfforddiant penodol arbenigol i gynorthwyo ysgolion a rhieni i gael gwell dealltwriaeth o anghenion disgyblion sy’n dysgu SIY.

Prif Ddyletswyddau. .

• Sicrhau arweiniad gweithredol clir i staff ysgolion.
• Cyd weithio ag athrawon arbenigol eraill.
• Cyfrannu i HMS a datblygiadau staff o fewn y gwasanaeth ac o fewn ein hysgolion.
• Paratoi adroddiadau ar gynnydd yn erbyn meini prawf cytunedig.
• Sicrhau fod y Meini Prawf yn wybyddus i bawb ac yn cael eu gweithredu’n gyson yn ein hysgolion.
• Diweddaru bas data o’r disgyblion sydd yn derbyn cefnogaeth y gwasanaeth.
• Cydlynu a chadeirio cyfarfod tîm ar ôl ysgol.
• Cymryd rhan, yn ôl yr angen, mewn prosesau sy’n adolygu, monitro a datblygu'r Gwasanaeth Cefnogi Cyflawniad Lleiafrifoedd Ethnig.
• Cyfrifoldeb am lunio Cynllun Busnes y Gwasanaeth ac adrodd yn dymhorol yn unol â threfniadau Rheoli Perfformiad yr Awdurdod.

Gweithgareddau a Chyfrifoldebau Allweddol:

• Arwain cefnogaeth benodol wedi ei dargedu ar gyfer disgyblion SIY mewn partneriaeth â staff prif lif.
• Darparu/cyd-gordio cefnogaeth iaith sy’n benodol i anghenion y cwricwlwm Cynradd a’r Uwchradd.
• Addysgu mewn partneriaeth mewn ystafelloedd dosbarth prif lif a dysgu grwpiau eithrio ble bo’n briodol.
• Cynllunio gwersi’n effeithiol er mwyn cwrdd ag anghenion dysgu disgyblion, yn enwedig y rheini sy’n dysgu SIY, gan ddefnyddio ystod o strategaethau priodol.
• Cydweithio â staff arbenigol eraill i ddatblygu a threialu arfer effeithiol.
• Datblygu adnoddau i gefnogi dysgu ac addysgu effeithiol ar gyfer dysgwyr SIY a’u dosbarthu’n briodol i staff.
• Hyrwyddo a lledaenu negeseuon allweddol ynghylch addysgu a dysgu effeithiol ar gyfer dysgwyr dwyieithog.
• Cynorthwyo i ddarparu DPP (Datblygiad Proffesiynol Parhaus) ar gyfer athrawon prif lif, myfyrwyr HDC (Hyfforddiant Dysgu Cychwynnol) a ANG (Athro/awes Newydd Gymhwyso).
• Cynorthwyo’r ysgol mewn anwytho disgyblion newydd sy’n cyrraedd ar ôl dechrau’r flwyddyn ysgol a datblygu rhaglenni anwytho tymor byr i gwrdd ag anghenion myfyrwyr unigol.
• Asesu anghenion myfyrwyr sydd newydd gyrraedd a chysylltu ag aelodau perthnasol o’r staff ynghylch cefnogaeth briodol yn yr ysgol.
• Asesu myfyrwyr sy’n cael eu targedu er mwyn adnabod anghenion a monitro cynnydd. Bydd hyn yn cynnwys gweinyddu asesiadau i ddyrannu cyfnod o gaffael SIY yn unol â model 5 cam LlC o gaffael Saesneg.
• Hybu amrywiaeth diwylliannol, cydraddoldeb hiliol a chynhwysiad yn y dosbarth ac ar lefel ysgol gyfan, herio hiliaeth a hyrwyddo defnyddio’r iaith gyntaf, ble bo’n briodol, mewn gweithgareddau ac adnoddau.
• Cydweithio â thimau bugeiliol a chwrdd â rhieni a chynnal cysylltiadau rhwng y cartref a’r ysgol. Annog cysylltiadau gyda grwpiau cymunedol lleol.
• Cysylltu gyda staff o’r Canolfannau Iaith Cymraeg i drefnu asesiadau, gosod targedau a chael cefnogaeth briodol ar gyfer disgyblion gyda CIY neu SIY ar draws yr awdurdodau.
• Rhoi adborth fel bo angen ynghylch cyrhaeddiad disgyblion, cynnydd a materion eraill, a sicrhau bod tystiolaeth briodol ar gael. Rhoi adborth i’r staff SIY eraill, athrawon prif lif, CGAAA, Gwasanaeth Seicoleg Addysgol, SALT ac / neu asiantaethau eraill.
Safonau a Sicrwydd Ansawdd
• Cefnogi amcanion ac ethos y gwasanaeth.
• Mynychu a chymryd rhan mewn digwyddiadau gyda’r nos fel bo’n briodol e.e. Nosweithiau Rhieni, Dyddiau Agored, ayb.
• Mynychu EMAS, cyfarfodydd ysgol, tîm a staff fel bo angen.
• Ymrwymiad at ddatblygiad personol a phroffesiynol.
• Cynnal cyfrinachedd ac ymateb gyda sensitifrwydd i sefyllfaoedd teuluoedd.

Cyfrifoldebau eraill

• Cyfrifol am CPD a meddu ar wybodaeth drylwyr a’r wybodaeth ddiweddaraf ynghylch yr arbenigedd a defnyddio’r canlyniadau i wella addysgu a dysgu disgyblion.
• Cymryd rhan yn rhaglen rheoli perfformiad yr Awdurdod.
• Gweithio fel aelod o dîm, cyfrannu tuag at berthynas weithiol effeithiol o fewn ysgolion ac o fewn y gwasanaeth.
Cyffredinol
• Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd
• Ymateb i unrhyw gais rhesymol arall ar gais y Pennaeth Gwasanaeth Addysg.

Prif Ddyletswyddau. .
Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin
Dim ond amlinelliad o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol a’r lefel cyfrifoldeb.