Pwrpas y Swydd
Sicrhau bod pobl Gwyned yn ganolog i bopeth yr ydan ni yn ei wneud.
Darparu gwasanaeth ymgynghorol proffesiynol i’r Cyngor. Sicrhau cydymffurfiad a chysondeb gweithrediad gan fabwysiadu a rhannu arferion gorau yn ogystal a datblygu ac adolygu polisïau a gweithdrefnau perthnasol.
 
Prif Ddyletswyddau
Cynghori Penaethiaid Adran, uwch reolwyr a rheolwyr eraill ar holl faterion adnoddau dynol gan hybu diwylliant “Un Cyngor” ar bob cyfle posibl.
Cynghori ar holl agweddau cyflogaeth, gan gynnwys recriwtio a phenodi, dehongli amodau gwaith, rheoli perfformiad, achosion cyflogaeth, ailstrwythuro a newid gwasanaethau, a threfniadau gadael.
Bod yn rhagweithiol yn cynnal cysylltiadau a pherthynas agored ac adeiladol gyda cynrychiolwyr yr Undebau.
Cynghori a chefnogi rheolwyr i ymdrin ag achosion o ddisgyblu, pryderon a chwynion gan staff, tanberfformiad, gan gyfrannu i baratoi a chyflwyno achosion fel bo’r galw.
Monitro lefelau absenoldeb gan hyrwyddo’r trefniadau rheoli absenoldebau corfforaethol, rhoi arweiniad i r reolwyr, ac ymgynghori yn barhaus gyda’r Uned Iechyd Galwedigaethol ar achosion unigol er mwyn cefnogi staff i ddychwelyd i’r gwaith.
Cymryd rôl ganolog yn datblygu ac adolygu amodau gwaith lleol, yn ogystal a pholisïau a gweithdrefnau yn ymwneud â’r gweithlu, gan yna  hyrwyddo eu gweithrediad cyson ar draws y Cyngor. 
Hyrwyddo’r Cyngor fel cyflogwr o ddewis trwy godi ymwybyddiaeth ynglŷn â’r gyrfaoedd, y pecyn cyflogaeth a’r amodau gwaith a gynigir i staff.
Gweithredu o fewn polisi a gweithdrefnau corfforaethol yng nghyswllt cyfle cyfartal a chydraddoldeb a bod ynflaenllaw yn hyrwyddo’r egwyddorion hyn o fewn y Cyngor.
Cyd weithio i ddatblygu cynlluniau a phrosiectau corfforaethol ac i sicrhau Cynllun Gwella parhaus i’r Gwasanaeth.
Mynychu cyfarfodydd timau rheoli adrannol perthnasol er mwyn sicrhau mewnbwn adnoddau dynol i gynorthwyo a chefnogi datblygiadau o fewn gwasanaethau ar draws y Cyngor.
Cynorthwyo a chynnig arweiniad i reolwyr yng nghyswllt cynllunio’r gweithlu ar gyfer y dyfodol.
Ymgynghori a chydweithio’n agos gyda’r Ymgynghorwyr / Swyddogion Adnoddau Dynol o fewn y Gwasanaeth yn ogystal â Swyddogion adrannau eraill er mwyn darparu’r gwasanaeth gorau posibl i’r cwsmer.
 Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin.
Cyfrifoldeb am hunan ddatblygiad.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau a gweithdrefnau’r Cyngor mewn perthynas â chyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswyddau eraill cymharol a rhesymol sy’n gymesur â lefel cyflog a chyfrifoldebau’r  
 
 Amgylchiadau Arbennig
Gellir bod angen mynychu cyfarfodydd gyda’r nos yn achlysurol.