Cynllun Rhyddhad Ardrethi Manwerthu, Hamdden a Lletygarwch 2022-23

RHYDDHAD ARDRETHI MANWERTHU, HAMDDEN A LLETYGARWCH – DIBEN Y RHYDDHAD Mae’r Cynllun Rhyddhad Ardrethi Manwerthu, Hamdden a Lletygarwch ar gael i fusnesau cymwys sy’n gweithredu yn y sectorau manwerthu, hamdden a lletygarwch. Bydd busnesau cymwys yn cael gostyngiad o 50% yn eu rhwymedigaeth net ar gyfer ardrethi annomestig yn 2022-23. Ni ddylai uchafswm gwerth ariannol y rhyddhad ardrethi a ganiateir, ar draws pob eiddo yng Nghymru sy’n cael eu defnyddio gan yr un busnes, fod yn fwy na £110,000. Mae angen i fusnesau ddatgan eu bod yn bodloni’r meini prawf cymhwysedd a nodwyd yn y ddogfen ganllawiau hon a nodi ar gyfer pa eiddo y maent yn dymuno hawlio rhyddhad. Os yw 50% o’r atebolrwydd ar draws eiddo’r busnes yn fwy na £110,000, bydd angen i fusnesau nodi ar gyfer pa eiddo yr hoffent hawlio’r rhyddhad. Gall busnesau ddewis ar gyfer pa eiddo y byddant yn ceisio rhyddhad. Pan fydd cyfanswm y rhyddhad a ganiateir ar gyfer eiddo eraill yn agos i’r uchafswm o £110,000, gellir caniatáu swm o ryddhad sy’n llai na 50% ar gyfer eiddo cymwys arall. Rhaid cyflwyno ffurflen gais i bob awdurdod lleol y mae’r busnes yn gwneud cais am ryddhad ar gyfer eiddo yn ei ardal. Rhaid i bob ffurflen gynnwys manylion pob eiddo y gwneir cais am ryddhad ar ei gyfer ar draws Cymru. Os na wneir cais, ni ellir rhoi rhyddhad. Bydd unrhyw ymgais gan fusnes i wneud cais bwriadol i hawlio mwy na £110,000 o ryddhad yn ei roi mewn perygl o golli unrhyw ryddhad a roddwyd o dan y cynllun i’r busnes hwnnw gan unrhyw awdurdod lleol yng Nghymru. Bydd gwybodaeth ar ryddhad a hawliwyd o dan y cynllun yn cael ei rhannu gydag awdurdodau lleol eraill a Llywodraeth Cymru, gan eu galluogi i adnabod unrhyw hawliau sy’n gyfanswm o fwy na £110,000 a gweithredu ar y rhain os oes angen. Ni fydd Llywodraeth Cymru a Cyngor Gwynedd yn goddef unrhyw ymgais gan fusnes i ffugio’u cofnodion na rhoi tystiolaeth ffug i gael y gostyngiad hwn. Mae hyn yn cynnwys hawlio cymorth sy’n fwy na’r uchafswm o £110,000 neu’r trothwy eithrio. Gall busnes sy’n gwneud cais ffug am unrhyw ryddhad, neu sy’n rhoi gwybodaeth ffug neu’n gwneud sylwadau ffug er mwyn cael rhyddhad, fod yn euog o dwyll o dan Ddeddf Twyll 2006 a gall wynebu camau cyfreithiol, yn ogystal â cholli unrhyw Ryddhad Ardrethi Manwerthu, Hamdden a Lletygarwch ar gyfer eu holl eiddo o dan gynllun 2022-23.

Ydych chi’n gwneud cais am Ryddhad Ardrethi Manwerthu, Hamdden a Lletygarwch mewn mwy nag un ardal awdurdod lleol? *

Ydw

Nac Ydw

Rhan 1: Mae’r rhan hon yn berthnasol i bob ymgeisydd ac yn ymwneud â’r eiddo y maent yn hawlio Rhyddhad Ardrethi Manwerthu, Hamdden a Lletygarwch ar eu cyfer gan Gynogor Gwynedd

Enw a Chyfeiriad y Busnes *

Rhif Cofrestru’r Cwmni (os yw’n berthnasol)

Enw’r ymgeisydd *

Rôl yr ymgeisydd yn y busnes (ee perchennog / cyfarwyddwr / ysgrifennydd y cwmni / cyfrifydd) *

Cyfeiriad e-bost yr ymgeisydd *

Cadarnhau cyfeiriad e-bost *

Rhif ffôn yr ymgeisydd *

Os ydych chi’n gwneud cais ar gyfer mwy nag un eiddo busnes, rhestrwch y rhain yn nhrefn blaenoriaeth ar gyfer derbyn rhyddhad, gan nodi mai’r uchafswm rhyddhad y gellir ei ganiatáu i fusnes yng Nghymru yw £110,000. Bydd rhyddhad yn cael ei roi ar gyfer eiddo yn y drefn yr ydych wedi’u nodi. Gellir dod o hyd i’r manylion angenrheidiol ar y bil Trethi Annomestig a anfonwyd atoch ar gyfer pob eiddo yr ydych yn dymuno hawlio rhyddhad ar ei gyfer.

Cyfeiriad yr Eiddo	Rhif Cyfrif Trethi Annomestig (Trethi Busnes)	Gwerth Trethadwy*

*I ddarganfod eich gwerth trethadwy, gallwch nodi eich manylion yng ngwiriwr ar-lein Asiantaeth y Swyddfa Brisio.

Cyfanswm y Rhyddhad Ardrethi Manwerthu, Hamdden a Lletygarwch a geisir yng Gwynedd(dim mwy na £110,000 ar draws Cymru)

Cewch adael y rhan hon yn wag os nad yw Rhan 2 y cais hwn yn berthnasol i’ch busnes, neu os fydd uchafswm hawl eich busnes i ryddhad ar draws Cymru yn is na £110,000. Os oes angen ichi hawlio swm penodol o ryddhad gan Cyngor Gwynedd i osgoi hawlio mwy na’r uchafswm o £110,000 ar gyfer eich busnes ar draws Cymru, rhaid ichi nodi hynny yma.

Rhan 2: Mae’r rhan hon yn berthnasol i fusnesau sy’n gwneud cais am ryddhad gan sawl awdurdod lleol yng Nghymru yn unig. Mewn achosion o’r fath, dylid gwneud cais ar wahân i bob awdurdod lleol

Cyfeiriad yr Eiddo	Awdurdod Lleol

Datganiad: Rwy’n deall na all cyfanswm gwerth y rhyddhad a hawliwyd gan y busnes uchod o dan y Cynllun Rhyddhad Ardrethi Manwerthu, Hamdden a Lletygarwch ar draws Gymru gyfan fod yn fwy na £110,000 ac y bydd gwneud cais bwriadol i hawlio rhyddhad o dros £110,000 yn peryglu colli’r holl ryddhad a roddwyd o dan y cynllun. Rwy’n derbyn y cyfrifoldeb am roi gwybod i’m hawdurdod lleol am unrhyw newid mewn amgylchiadau, ar ôl cyflwyno fy nghais am ryddhad, a allai olygu bod y rhyddhad a roddwyd i’m busnes yn anghywir neu’n fwy na £110,000 ar draws Cymru (e.e. newid mewn gwerth trethadwy). Rwy’n deall, os bydd rhyddhad o fwy na £110,000 yn cael ei roi am unrhyw reswm, y bydd cyfran ohono’n cael ei hawlio’n ôl, ar gyfer un eiddo neu ragor, i leihau gwerth y rhyddhad a roddwyd i £110,000 neu lai fel sy’n briodol. Rwy’n deall hefyd, os bydd rhyddhad o fwy na £110,000 yn cael ei roi o ganlyniad i ymgais fwriadol i hawlio mwy na’r uchafswm a ganiateir, y gellir dileu’r hawl i’r Rhyddhad Ardrethi Manwerthu, Hamdden a Lletygarwch cyfan a ganiateir ar gyfer y busnes uchod ar draws Cymru, a bydd swm llawn yr atebolrwydd ardrethi yn daladwy. Rwy’n cydnabod y bydd fy awdurdod lleol, unrhyw awdurdod lleol arall yng Nghymru a/neu Lywodraeth Cymru yn gwneud unrhyw wiriadau priodol i asesu’r cais hwn am ryddhad ardrethi, gan gynnwys croeswirio yn erbyn unrhyw wybodaeth sydd gan yr awdurdod, unrhyw awdurdod arall yng Nghymru neu Lywodraeth Cymru eisoes. Rwy’n deall y bydd y data yr wyf wedi’u darparu yn cael eu rhannu gyda Llywodraeth Cymru ac, os oes angen, unrhyw awdurdod lleol arall yng Nghymru at y diben hwn i atal twyll a chamgymeriadau. Rwy’n datgan, hyd eithaf fy ngwybodaeth a’m cred, bod yr wybodaeth a ddarperir yn y cais hwn yn wir ac yn gywir, ac rwy’n deall y gallai rhoi ateb ffug i unrhyw un o’r cwestiynau yn y cais hwn gael ei ystyried fel twyll.

Rwy'n cytuno i'r holl datganiadau uchod *

Yn ôl